هدف ونظام الموسوعة
لاحظت أن صور التلوين المسيحية الخاصة بأحداث الكتاب المقدس مثل قصص أنبياء العهد القديم و قصة حياة ربنا يسوع المسيح له كل المجد ، متوافرة بشكل كبير نتيجة لجهود أحبائنا المباركين خدام دار الكتاب المقدس حول العالم ، أما صور قديسين الكنيسة القبطية فهى نادرة الوجود جداً لعدم تولى اى جهة أو شخص محاولة إعدادها للتلوين ونشرها بشكل جماعى منظم.
واشكر الله أنى أتقن الرسم ببرنامج أدوبي اليستريتور Adobe IllustratorCS4 (تحديث : أستخدم منذ منتصف عام 2010 برنامج CorelDRAW Graphics Suite X5) فبدأت برسم صور التلوين للقديسين لخدمة مدارس الاحد ، ثم قررت أن أنشئ هذا الموقع لنشر صور تلوين قديسين الكنيسة القبطية ، لتعم فائدتها على كل الكنائس القبطية فى مصر والعالم.
مسموح بنقل وتصوير وطباعة كل محتويات المدونة من صور التلوين كذلك مسموح بنشرها فى اى منتدى أو موقع مسيحى ،كذلك مسموح بإستخدامها فى أى غرض كنسى ما دامت بغرض الخدمة وليست للبيع، لكن رجاء محبة لأجل المسيح عدم وضع أى اختام أو اسماء لمواقع أو منتديات أو كنائس أو جمعيات أو هيئات خدمة على الصور ، كذلك ممنوع منعاً باتاً إستخدامها أى إستخدام تجارى بالطباعة والنشر، مسموح فقط بطباعتها ونسخها وتصويرها وتوزيعها مجانا.
(+) مجانا أخذتم مجانا أعطوا (+)
كما اشجع الخدام المباركين الذين أمكنهم الدخول على مدونتى ان يقوموا بطباعة الصور وتوصيلها للكنائس القريبة منهم التى ربما لا يعرف خدامها بتوافر مثل هذه الصور على الانترنت.
مع العلم أن كل الصور ستكون فى حجم ورقة التصوير A4
ستصنف الصور فى الموقع ابجديا فى التصنيفات الفرعية بحسب أسماء القديسين ، وسيضاف إليها الصور الجديدة قبل مواعيد الاحتفال بذكرى الشهيد بوقت كافى إن شاء الرب وعشنا.
وسيكون نظام التصنيف بحسب اول حرف من اسم القديس بدون النظر إلى لقبه السابق للإسم فمثلاً :
الانبا مقار ستوجد صورته تحت حرف الـ ( م )
الانبا هدرا ستوجد صورته تحت حرف الـ ( هـ )
مار مرقص ستوجد صورته تحت حرف الـ ( م )
مار جرجس ستوجد صورته تحت حرف الـ ( ج )
صلوا من اجلى
19 جانفي 2009 عند 8:25 ص
very good
19 جانفي 2009 عند 1:37 م
ربنا يباركك ويستخدمك لمجده
مجهود رائع جدا جدا جدا
وربنا يوفقك ويكافئك من عنده
تقبل تحياتى
اخوك سامح
20 جانفي 2009 عند 8:21 ص
الاحباء فى المسيح باسيلى وسامح شاكر محبتكم وأرجو تصلولى علشان ربنا يتم عمله
24 جانفي 2009 عند 5:41 م
مجهود اكثر من رائع ربنا يبارك مجهودك
24 جانفي 2009 عند 6:00 م
تعيشى يا مارينا ، متشكر لتشجيعك وذوقك ، صليلى علشان ربنا يحط ايده والخدمة تكمل بشكل كويس
4 فيفري 2009 عند 8:40 م
بجد مجهوود رووووووووووووووعة جدا جدا جدا جدا
ربنا يباركك و يقويك مش هأقول لك قد ايه أنا تعبت و أنا بدرو علي الصور دي
بجد ربنا يعوضك بس رجاء كملهم
عاوزين كل القديسين و أنا هأتابع معاك و أبص علي الموقع كل يوم ان شا ء الله
ربنا يقويك
5 فيفري 2009 عند 7:30 ص
الف شكر لمحبتك وتشجيعك يا كيرو ، انا بتبسط جدا لما احس بوصول فائدة الموسوعة وإنتشارها ، وبإذن الله حكمل الصور بس الموضوع ده محتاج تساهم فيه بصلاتك ان ربنا يحط ايده ويبارك الخدمة ويقوينى ، وأهلا بزيارتك كل يوم 🙂
11 فيفري 2009 عند 7:39 م
ربنا يباركك ويبارك فى الخدمة ويعوض تعب محبتك ومجهود فعلا أكثر من رائع
مع تحياتى وأمنياتى لك بالتوفيق والنجاح من أجل الخدمة
11 فيفري 2009 عند 9:06 م
متشكر جداً على محبتك يا بشرى اتمنى فعلا تصلى للخدمة دايماً ، ومبسوط جدا ان الصور عجبتك ، ربنا يباركك ويبارك خدمتك
11 فيفري 2009 عند 9:20 م
كنت بدور من زمااااااااااااااااااااااان على موقع زي ده . فعلا مجهود رائع
هانشر الموقع ده علي جروب خدمة ابتدائي علشان الكل يستفاد منه
ربنا يعوض تعب محبتك
12 فيفري 2009 عند 5:25 ص
شكرا يا مينا على محبتك ومشاركتك فى الخدمة لأن النشر مهم جداً زى الرسم ويمكن اكتر لأنه مفيش قيمة لمجهود محدش بيستفيد منه، يا ريت كل الى يعجبه الموقع سواء كان خادم او لأ ينشره فى كل منتدى او مجموعة بريدية مشترك فيها و كل كنيسة يقدر يوصلها علشان الفايدة تنتشر ،أهلا بيك
14 فيفري 2009 عند 11:37 ص
بصر احة جميلة جدا لأ نى عندى مارولا وجومانة بيحبو التلوين
14 فيفري 2009 عند 5:06 م
ربنا يخليهملك وتفرح بيهم دايماً ، التلوين ممتع للطفل وله فوايد كتير جدا لأنه بينمى حواسه وتحكمه فى القلم وبيلفت نظره للبيئة حواليه علشان يعرف اللون الى المفروض يستعمله لتلوين كل حاجة فى الصورة فقوة ملاحظته بتزيد، وكمان بتكون فرصة لتعليمه شئ عن موضوع الصورة ، وفى حالتنا المعلومة بتكون طبعا سيرة القديس، بالأضافة كمان لتنمية مواهبه الفنية وتنسيقه للالوان، وغير كل ده بعد ما بيخلص تلوين الصورة بيحس بلذة الإنجاز.
16 فيفري 2009 عند 7:46 ص
أنا خادم بكنيسة ألأنبا بولا بعزبة النخل الشرقية القاهرة و عايز صور للتلوين لقصص الكتاب المقدس للتلوين لخدمة ألأطفال
16 فيفري 2009 عند 11:11 ص
اهلا بيك يا اخ ياسر ، أنا حاليا مركز على هدف محدد وهو صور القديسين ، صور تلوين الكتاب المقدس منتشرة جداً على الإنترنت ، لكن نصيحتى دور على الصور بالإنجليزى يعنى ببساطة ترجم الكلمة او الحدث الى عاوز تدور عليه فى ترجمة جوجل مثلا او فى اى برنامج ترجمة ودور عليها حتلاقى نتائج كتيرة.
عموما دى بعض الكلمات الى ممكن تساعدك فى البحث
الإنجيل bible coloring
المسيحية Christian coloring
يسوع المسيح Jesus Christ coloring
الكنيسة Church coloring
الكتاب المقدسholy book coloring
عيد الميلاد Christmas coloring
عيد القيامة Easter coloring
قيامة المسيح Resurrection coloring
الصليب cross coloring
الصلاة pray coloring
العهد القديم old testimony coloring
الرب god coloring
مدارس الأحد Sunday School coloring
يوم الأحد Sunday coloring
الرب lord coloring
موسى Moses Coloring
السامرى الصالح Good Samaritan coloring
يشوع Joshua coloring
بولس Paul coloring
19 فيفري 2009 عند 12:04 م
مجهود جميل ورائع – نطلب من الرب يسوع ان يبارك خدمتك
19 فيفري 2009 عند 3:47 م
الاحباء المسئولين عن الموقع الرائع تمجيد لسير القديسين ، متشكر جداً لمحبتكم وتقديركم وأتمنى ان تصلوا دائما للخدمة وتفيدونى بآرائكم ومقترحاتكم المثمرة
23 فيفري 2009 عند 12:56 م
hello
I’d like to thank you and would you please send me a link for this program
TO MAKE WHAT i WANT
God bless you
23 فيفري 2009 عند 2:41 م
ok albert take this
http://www.g999g.com/vb/showthread.php?t=36499
or
http://www.allulu.org/vb/showthread.php?t=1854
or
http://www.losha.net/vb/showthread.php?t=17457
or
http://www.damasgate.com/vb/t124572.html
تم تحديث اللينكات لتنزيل النسخة الجديدة من البرنامج وهى Adobe Illustrator CS4 Middle Eastern
26 فيفري 2009 عند 7:10 ص
انا بحب التلوين جدااااااااااااا والرب يعوض تعب محبتكم ويبارك فى هذه الخدمة وانا بلون بتنسيق حلو
26 فيفري 2009 عند 2:10 م
اهلا بيك يا اندرو وانا كمان بحب التلوين 🙂
10 مارس 2009 عند 9:04 ص
بجد رائع جدا جدا جدا لنها كمان معمولة بدقة جامدة جدا ، أنا بأشكرك جدا وربنا يقويك علي الخدمة دي
ياريت لو سمحت صور لموسي النبي وكمان ياريت بقية الأنبياء
10 مارس 2009 عند 11:37 ص
أهلا بيك يا ميكو ومتشكر جدا جدا لذوقك ومحبتك ، ومتشكر على صلاتك الى فعلاً محتاجها ، بس زى ما قلت قبل كده انا بحاول اعمل الى ما اتعملش قبل كده علشان ميكونش جهد ضايع ومكرر ، ممكن ببساطة تدور بالإنجليزى على صورة موسى النبى بالكلمة دى Moses Coloring وهتلاقى نتايج حلوة كتير
10 مارس 2009 عند 11:44 ص
شكرا لردك وافادتك لي
10 مارس 2009 عند 12:05 م
لا شكر على واجب يا ميكو اهلا بيك ديماً
11 مارس 2009 عند 6:18 م
حلو اوى الصور بس ياريت تحطوا قصه القديس فى صورة صور عشان نستخدمها فى وسائل الايضاح
11 مارس 2009 عند 10:18 م
أهلا بيك يا نيبال متشكر للإهتمام بس سير كل القديسين منتشرة على الانترنت وفى كتب كتيرة وانا بكتب تحت الصورة نبذة مختصرة جدا عن القديس للى ميعرفهوش وعلشان اسهل الوصول للصورة من محركات البحث ، مش عارف قصدك أيه بالظبط ..
12 مارس 2009 عند 1:42 م
شكرا اخى الغالى
على المجهود المتميز جدا
فى المدونة والموسوعة الرائعة جدا
والتى تقدم لاطفالنا الغاليين
ربنا يبارك وخدمتك
بنعمة المسيح
12 مارس 2009 عند 4:22 م
متشكر جداً جداً أخى سامح على محبتك وكلماتك الجميلة وأتمنى تصليلى دايماً ، أهلا بيك
14 مارس 2009 عند 8:14 م
دى فكرة اكتر من رائعة ومفيدة جدا لكل خدام اسر ملايكة .. ربنا يعوض تعب محبتك .. استمر وننتظر المزيد
14 مارس 2009 عند 8:39 م
اهلا بيك يا جوجو وشكرا لمحبتك ، ارجو تصلى علشان الخدمة كتير
17 مارس 2009 عند 1:35 ص
لو سمحت صورة السيد المسيح يقرع على الباب بالخطوط وأى صور للسيدة العذراء وشكرا
17 مارس 2009 عند 1:37 ص
رائع وجميل
17 مارس 2009 عند 7:37 ص
أهلا بيك يا ميمى باشا ، متشكر لردك وتشجيعك ، بالنسبة لصور السيدة العذراء موجود لها صور تين لحد دلوقتى فى الموسوعة وهما صورة التجلى وصورتها مع الطفل يسوع ، بالنسبة لصورة المسيح آسف جداً إنى مش هقدر اعملها حالياً علشان ما اخرجش عن الهدف الاساسى الى عملت الموسوعة علشانه وهو صور القديسين.
بس وعد منى لحضرتك ولكل الاحباء الى طلبوا الطلب ده منى قبل كده فى التعليقات أو الى يعرفونى شخصياً ، اوعدكم انه لو ربنا ادانى عمر لحد ما اخلص كل صور قديسين الكنيسة القبطية هحاول ابتدى فى عمل موسوعة جديدة لصور تلوين الكتاب المقدس العهد القديم والجديد ، ارجو تصلولى كتير.
24 مارس 2009 عند 5:50 ص
شكرا جزيلا علي تعب محبتك وربنا يعوضك
24 مارس 2009 عند 6:38 ص
أهلا بيك يا فيرووو نورت الموسوعة ، متشكر جدا لمحبتك وتشجيعك إذكرنى فى صلاتك
28 مارس 2009 عند 6:48 م
انا مش عارف اشكرك ازاي على المجهود الخرافى اللى انت عامله ده,بصراحه ربنا يباركك و يقويك,وبصراحه الموسوعه دي سهلت علينا حاجات كتير اوى فى الكنيسه فى الأجتماعات و كمان بالأخص فى مدارس الأحد.
انا على العموم من اسوان و عندى رجاء صغير: ينفع لو بعتلك صوره للأنبا هدرا السائح الأسوانى تعملها و تنزله ولا صعب, علشان انت مش حاطتها مع انك حاطط اسمه فى تعريف الموسوعه.
على العموم انا هبعتلك لينك الصوره و لو قدرت تعملها اعملها و انا هتابع على الموقع هنا.
و كمان ياريت تعملننا صوره حلوه للبابا شنودة.
لينك صوره الأنبا هدرا السائح الأسوانى:
خلى بالك انه اسقف يعنى اهم حاجه عصا الرعايه و الصليب أو الأنجيل..
29 مارس 2009 عند 9:37 ص
أهلا بيك يا جون ، متشكر جدا لمحبتك وتقديرك ، تعليقك فرحنى جداً بإنتشار الفائدة من الموسوعة ، اهلا بيك وبكل اهل اسوان الحلوين ، بالنسبة لصورة الانبا هدرا فكنت فعلاً لسه حأرسمها لأنى برسم بترتيب القديسين فى السنكسار ، علشان يكون فى نظام فى الشغل وما انساش اى قديس .
لكن تحت أمرك هتكون صورة الانبا هدرا هى الصورة الجاية بإذن الله ، إستناها خلال ايام ، وأتمنى أى حد يلاقى قديس ما أترسمش يعمل زيك ويبعت صورة القديس ولو ان صورة الانبا هدرا كانت عندى فعلا ، بس الى انا محتاجه حقيقى هو صورة لدير الانبا هدرا فى اسوان ، لأن زى ما انت ملاحظ انا برسم دير أو كنيسة القديس وراه فى خلفية الصورة فيا ريت لو تقدر تبعتلى اى صورة له علشان مقدرتش الاقيها.
30 مارس 2009 عند 12:10 ص
يا سلام يا غالى انت جيت فى جمل , ده انا ابعتلك الدير كله و كمان اللى فيه.هههههههه
ده انتى اللى فرحتنى يا غالى, على العموم ادى شويه صور للدير من كام جانب شوفهم و استنتج صورته:
http://img2.photograph
ersdirect.com/img/5171/wm/pd1183118.jpg
http://pro.corbis.com/images/RW002008.jpg?size=67&uid=%7B3B9145D4-6053-4FD8-BA17-6A425F543BBC%7D
الصور المهمه بالترتيب من فوق لتحت, لكن خلى بالك باب الدير هو اللى فى اول صوره على اقصي ايدك الشمل و جنبه عربيه بيضه,حاول تستنج الشكل من باقى الصور,و لو فى اي استفسار كلمنى على **********
30 مارس 2009 عند 6:44 ص
متشكر جدا يا جون على تعبك وذوقك ، الصور ممتازة ، رقمك حفظته عندى بس طبعاً شلته من التعليق ، صليلى كتير
7 أفريل 2009 عند 9:49 م
مساء الخير
شاهدت موقعك بالصدفة و الحقيقة أرى أنه رغم بساطته من أهم المواقع المسيحية المصرية التى تحوى محتوى متفرد و غير منقول أو مكرر. أتمنى أن تسمح لى بدعم خدمتك على قدر إستطاعتى .. مبدأيا يمكننى تقديم إستضافة مجانية و حجز إسم موقع domain مجانى لموقعك.. أرجو الإتصال بى
8 أفريل 2009 عند 6:45 ص
الاخ الحبيب فى المسيح ريمون أهلا بك
متشكر جدا جدا لمحبتك وإطرائك الذى اسعدنى ،وإهتمامك بالخدمة وإيجابيتك فى المشاركة فيها ، ومتشكر جدا لمحبتك وعرضك الكريم.
أتمنى طبعا نقل الموسوعة لموقع مؤجر ودومين بإسمها
لكن الحقيقة ان المدونة المجانية سهلة بالنسبة لى فى الادارة ورفع الصور الجديدة فى تصنيفاتها، الصور موجودة فى المدونة تحت امرك و يمكنك إنشاء موقع للموسوعة وإضافة الصور الموجودة فى المدونة حتى الان إليه ،وتحديثها اول بأول بنقل الصور الجديدة من المدونة، فللاسف لا امتلك الوقت لتصميم موقع خاص بالموسوعة وإدارته فرسم الصور يستغرق الكثير من الوقت بالإضافة لعملى .
وشرطى هو فقط نقل الصور بنفس نظام التصنيف والوصف المصاحب لكل صورة ونقل شروط النشر الموجودة فى المدونة و أن يكون الموقع الجديد متاح للجميع دخوله وتنزيل الصور منه مجاناً بدون مقابل مادى أو إشتراك مع عدم ختم الصور بأسم الموقع.
اقترح للدومين أسم
http://www.copticsaints.com
والرب وحده قادر أن يعوض كل من له تعب محبة فى خدمة أسمه القدوس.
وارجو إفادتى بما يوفقك الرب اليه فى هذا الموضوع.
9 أفريل 2009 عند 5:13 م
انا بصراحه عايز اشكرك على تعبك و ذوقك معانا مع ان الشكر جه متأخر شويه,بصراحه صورة الأنبا هدرا خرافه. لكن نفسي اوضحلك حاجه صغيرة ان الأنبا هدرا يطلق عليه الأثريين اسم الأنبا سمعان لكن دى اسم خاطئ ,لأنه بحسب السنكسار فى يوم 12 كيهك و بحسب المخطوطه 319 من مخطوطات دير السريان اسم القديس الأنبا هدرا و ليس الأنبا سمعان.
لكن اسم سمعان زى ما قولت ده اطلقه عليه الأثريين و كمان هم بيشكوا انه يمكن رئيس للدير جه بعض الأنبا هدرا,انا حبيت اوضحلك علشان تشيل اسم سمعان من سيرته.
وربنا يعوضك كل خير.
9 أفريل 2009 عند 9:07 م
Very nice work !
I wonder if you can also post the files with a different extension (*.svg) for the benefit of everyone ?
11 أفريل 2009 عند 7:29 ص
العفو يا جون لا شكر على واجب ، تم تصحيح الخطأ يا وشكرا للإهتمام والمتابعة.
11 أفريل 2009 عند 7:34 ص
اهلا يا اخ سامح وشكرا لمجاملتك ، الامتداد الذى تطلبه لا اعتقد انه مفيد لأحد سوى للمطابع وهو ما ارفضه ، ال JPG هو اكثر إمتدادات الصور رواج فى العالم وهو مفيد لهدف الموسوعة كصور تلوين سهلة للتدوال على اى جهاز وللطباعة على الطباعات المنزلية.
15 أفريل 2009 عند 6:10 م
ربنا يعوض تعبك وهو ال يديلك تعبك انا مبسوط خالص من الصور وربنا يديلك بركة من كل قديس انت بترسمله صورة ربنا يقويك
16 أفريل 2009 عند 9:36 ص
متشكر جدا يا يؤان على تشجيعك ومحبتك ،بركة صلوات قديسين المسيح تكون معانا كلنا
23 أفريل 2009 عند 6:40 م
ربنا يبارك تعبك بجد مجهود جبار
24 أفريل 2009 عند 8:51 ص
شكرا يا كارليتو على إهتمامك وتقديرك ، ارجو تصليلى علشان اكتمال الخدمة
24 أفريل 2009 عند 10:58 م
سلام…
اشكرك جدا على المجهود التحفة ده …حضرتك مش عارف انا بقالى سنة تقريبا دايخة على صور قديسين لاسرة مدارس لاحد – ملايكة وكل اللى بلاقيه من النت (زى ما قولت) صور الكتاب المقدس لدرجة انى بدأت ارسم بعض الصور على الفوتوشوب وده متعب جدا
وبالصدفة -لأ ده ترتيب ربنا- لقيت الموقع ده …بجد مجهود جبار والرسومات بجد حلوة اوى وحتى وشهم “امور”…حلوين فعلا
لى طلب بس لو بعد كده ترسم طقوس الكنيسة يعنى التناول وسر المعمودية و مسحة المرضى…انا عارفة انه مش ضمن الاهداف الحاليه بس الصور دى برضه مش موجودة خالص.
ياريت كمان كنت عايزة صورة مكسيموس ودوماديوس
معلش طولت عليك بس بجد ربنا يباركك على الخدمة الرائعة دى ويعوضك فى السما مش ع الارض.
….سلام.
25 أفريل 2009 عند 1:06 ص
أهلا بيكى يا مريم ومتشكر جدا لتعليقك الجميل ، سبقتك فى رسم صور القديسين على الفوتوشوب 🙂 وكان عذاب لانه برنامج تحرير صور مش رسم ، حاولى تتعلمى الاليسليتور حتلاقيه لذيذ وسهل جداً فى الرسم (دروسه منتشرة جداً على النت وشبه الفوتوشوب فى حاجات كتير).
بالنسبة لرسم اسرار الكنيسة فدى فعلاً فكرة جميلة جداً وأوعدك أنى هعملها قريب بإذن الله .
بالنسبة للقديسين مكسيموس ودماديوس فأنا شغال فى صورتهم وهيكونوا موجودين على الموقع قريب بنعمة الرب.
وأخيراً متشكر جدا لذوقك واتمنى تفيدينى برأيك وأفكارك دايماً
30 أفريل 2009 عند 12:15 م
انا بس حطتيت رد دلوقتى علشان اشكرك تانى و تالت,بصراحه انت بتجبر الواحد انه يشكرك كل ما تنزل صوره جديده و انا بصراحه مش عارف اقولك ايه ربنا يعوضك كل خير .
و ثق تماماً ان كل القديسين اللى انت بترسم صورهم عمرهم ما هينسوا خدمتك دى.
30 أفريل 2009 عند 6:10 م
الف شكر يا عم جون على ذوقك ، بجد مش عارف اقولك ايه أهلا بيك وبردودك دايما واتمنى متنشاش الخدمة فى صلاتك
11 ماي 2009 عند 2:22 م
سلام…
اشكرك مرة تانية واصلى لربنا انه يبارك خدمتك
انا بس قلقت عشان فات مدة على اخر صورة . وانا بادخل بقالى مدة ونفس الصورة .. ياريت يكون خير.
وحشنا الشغل الحلو بجد ..
سلام المسيح يكون معاك
11 ماي 2009 عند 9:11 م
اهلا بيكى دايماً يا مريم
متشكر جداً لإهتمامك ولسؤالك وآسف للتأخير فعلاً بس المشكلة كانت ضغط الشغل عندى اليومين الى فاتوا.
بس النهاردة هنزل صورة جديدة كمان دقايق
عايز صلاتك دايماً
ومتشكر لإهتمامك ومحبتك
14 ماي 2009 عند 11:26 ص
بجد ميرسى كتير على الموقع الجميل ده انا كنت محتاجة صور للخدمة كتير
14 ماي 2009 عند 3:29 م
اهلا بيكى يا سارة وشكرا لمحبتك واتنى تصليلى كتير لانى محتاج للصلاة فعلاً
14 ماي 2009 عند 9:39 م
سلام…
شكرا لردك…وحمدلله ع السلامة
انا شفت الصورة الجديدة وبجد كنت محتاجاها للاسبوع الجاى..متشكرة اوى
وكل سنة وانت طيب وعايزين كمان بجد
ربنا معاك
سلام.
15 ماي 2009 عند 5:52 م
شكرا يا مريم ربنا يباركك
بالنسبة لملاحظتك صلحتها خلاص 🙂
ومفيش شكر طبعا ممكن اقولهولك
برافوا عليكى ..
ناس كتير جداً وريتهالهم ومحدش عرف يلاحظ فيها ايه ابداً 🙂
معلش علشان بس تتأكدى ضغط الشغل عامل في ايه ، الواحد بقى شيش بيش خالص 🙂
ربنا يكرمك وخللى عينك معايا تملى
16 جوان 2009 عند 5:08 م
نرجو منكم رسم صورة القديس اباكراجون الشهيد سنكسار 25 أبيب وله كتاب في مكتبة المحبة أو راسلني لارسل صورة له مع مجموعة اخري من صور القديسين غير المشهورين
ريمون
*******
19 جوان 2009 عند 10:13 ص
متشكر يا ريمون وممكن ترفع صور القديسين الى انت عاوزهم على اى موقع رفع وتبعتلى لينكها فى التعليقات بسهولة .
وياريت تبتدى بصورة القديس اباكراجون
30 جوان 2009 عند 7:16 ص
ربنا يعوضك بجد موقع جااااامد جدا ورسومات هايلة حقيقى انا بستفاد بيها للاولاد فى الخدمة بس كنت عايز صورة الانبا موسى تلوين ومش عارف اجيبها ازاى اتمنى لو عندك ابعتهالى على الميل ليك كل التحية والمحبة
صبحى
2 جويلية 2009 عند 5:30 ص
متشكر يا سمير لمحبتك ، صورة الانبا موسى إضافت إمبارح للموسوعة فعلاً
5 جويلية 2009 عند 7:03 ص
السلام والنعمة
متشكر جدا لمحبتك صورة الانبا موسي جميلة جدا بركة صلواتة تكون معاك
ارجو من حضرتك صورة للتلوين للقديسين بطرس وبولس بمناسبة عيد استشهادهم لتوزيعها يوم الجمعة علي مدارس الاحد
شكرا اذكرني في صلواتك سمير
5 جويلية 2009 عند 10:18 ص
لا شكر على واجب يا سمير وبإذن ربنا صورتهم فى الطريق
صلاة القديسين تكون معاك
8 جويلية 2009 عند 9:05 ص
السلام والنعمة
انا بافكر حضرتك بصورة القديسين بطرس وبولس للتلوين علشان نوزعها الجمعة اللي جاية في دارس الاحد وربنا يعوض تعب محبتك
صلي من اجل ضعفي
سمير
8 جويلية 2009 عند 9:57 ص
حاضر يا سمير صدقنى مش ناسى ، ربنا معاك
9 جويلية 2009 عند 12:07 م
السلام والنعمة
متشكر جدا علي الصورة الجميلة دي وربنا يعوض تعب محبتك
صلي من اجل ضعفي
سمير
9 جويلية 2009 عند 1:26 م
تعيش يا سمير ربنا معاك ويبارك فى خدمتك
14 جويلية 2009 عند 8:22 ص
ربا يعوض تعب محبتكم الرائع إللى أنا شخصيا أستدفت اكتر من مرة بيه فى خدمتى و بقترح لو أمكن مجموعة الصور كلها بالنبذات يبقى فيه أمكانية تحميلهم كلهم فى ملف واحد مضغوط لسهولة تحميلهم و نشرها بين الخدام بسهول
و ربنا يعوض تعب محبتكم
14 جويلية 2009 عند 8:35 ص
ربنا يعوض تبع محبتك الواضح إللى انا شخصيا أستفدت منه فى خدمتى و بقترح لو تتجمع الصور دى كلها فى ملف واحد ووارد أو أكروبات ريدر و تحميلها فى ملف واحد مضغوط لتسهيل تداولها بين الخدام للأستفادة منها بأقدر قدر مستطاع.
و لم أمكن أخد معاكم بركة الخدمة دى فى تجميعهم و تنسيقهم.
و ربنا يعضو تعب محبتكم
14 جويلية 2009 عند 10:46 ص
أهلاً بيك يا كميل ومتشكر لمحبتك ، فكرة الجمع فى ملف مضغوط حلوة بس المشكلة ان الشغل لسه مخلصش والصور بتزيد فى الموسوعة بشكر مستمر زى ما أنت شايف .
وأهلاً بمشاركتك فى الخدمة ، كل صور الموسوعة تحت أمرك جمعهم وأضغطهم ووزعهم بالطريقة التى تشوفها مفيدة .
21 جويلية 2009 عند 10:25 ص
السلام والنعمة
ارجوا ان من حضرتك صورة للتلوين للقديسة ثاوغنسطة لعرضها لاطفال مدارس الاحد ابتدائي
وواردة ضمن مهرجان الكرازة لاطفال ابتدائي
وربنا يعوض تعب محبتك
صلي من اجل ضعفي
سمير
26 جويلية 2009 عند 4:54 م
أولاً اسف لتأخير فى الرد بسبب ظروف خاصة ، وأنا تحت أمرك لكن بس أرجو ارسال لينك لصورة القديسة لأنها مش عندى
17 أوت 2009 عند 10:05 ص
ربنا يعوض تعبك امين
18 أوت 2009 عند 7:30 ص
http://www.stabraammonastery.com/sabraam/viewtopic
السلام والنعمة الموقع دة فية صورة ملونة لصعود العذراء
ارجوا تكون سهلة في تجهيزها للتلوين
ربنا يعوض تعب محبتك
صلي من اجل ضعفي
سمير
18 أوت 2009 عند 12:40 م
متشكر جداً لمحبتك يا coptic man
18 أوت 2009 عند 12:46 م
شكراً لإيجابيتك ومساعدتك يا استاذ سمير
3 سبتمبر 2009 عند 7:34 م
ممكن أنو نحصل ع كل الصور .. يعني نحملون بملف مضغوط
4 سبتمبر 2009 عند 2:27 ص
لحد دلوقتى الشغل ما خلصش فى الموسوعة يا اخ عبيد علشان اضغطهم فى ملف .
أهلاً بيك
5 سبتمبر 2009 عند 8:36 م
الرب يسوع يعوض تعب محبتك لأن هذا المجهود رائع وكنيستنا فى مسيس الحاجة اليه.
هل من الممكن اضافة اسم القديس باللغة الأنجليزية (بأعتبارها اكثر لغة مستخدمة فى المهجر) الى جوار الأسم العريى ولو بخظ اصغر لأننا نخدم مدارس الأحد فى أمريكا والأطفال بل واحياناً الوالدين لا يقراءوا العربية.
يمكننا المساعدة فى ترجمة الأسماء لو اقتضى الأمر.
و شكراً
5 سبتمبر 2009 عند 10:08 م
الاخ الحبيب ماجد سلامة
متشكر لمحبتك والفكرة حلوة وبيتهيألى ممكن تنفيذها فى شكل صورتين واحدة مكتوب عيها الاسم بالإنجليزى والتانية مكتوب عليها الاسم بالعربى و كده هتكون احسن
لو حضرتك حبيت تشاركنى بالتدقيق فى ترجمة اسماء القديسين الموجودين فعلاً ، والموجودة فى نهاية سيرة كل قديس بالعربى يبقى كويس جداً.
وكمان ترجمة سير القديسين الموجودة فى الموسوعة علشات احطها تحتها مع السيرة العربى يبقى أجمل واجمل .
طبعاً دى حاجة مش مطلوبة بين يوم وليلة ولو كل اسبوع حضرتك بعتلى ترجمة سيرتين يبقى كويس قوى ( وقت ما تكون فاضى يعنى).
وممكن ارسالهم ببساطة من مربع التعليقات اسفل صفحة كل قديس ، وبعدها انا هاخدهم كوبى بيست لنص الصفحة نفسها وبكده يكون الشغل بنظام سهل ، طبعاً ممكن تدعى آخرين معاك لنيل بركة الخدمة دى.
15 سبتمبر 2009 عند 12:30 ص
very nice idea
very nice work
soooo nice
God bless u
15 سبتمبر 2009 عند 11:20 ص
شكراً لمحبتك يا دكتور عماد وأرجو تصلى علشان الخدمة
16 سبتمبر 2009 عند 10:20 م
سلام ونعمة رب المجد تكون معاك
حقيقى مش عارفة اشكرك ازاى الصور دى فادتنى كتير جدا فى خدمتى
ربنا يعوضك تعب محبتك ويباركك ويكمل كل عمل بتعمله لاجل اسمه القدوس
17 سبتمبر 2009 عند 6:26 ص
أهلاً بيكى يا إيمى
ومتشكر جداً لمحبتك ولصلاتك
22 أكتوبر 2009 عند 2:39 م
ربنا يعوض تعب محبتكم لالصور جميلة جداً وبتفيدنا فى الخدمة وبنبتكر وسايل ايضاح منها
23 أكتوبر 2009 عند 12:33 ص
شكراً لمحبتك يا تيتى وربنا يبارك خدمتك
22 نوفمبر 2009 عند 5:40 م
بعد إذن حضرتك أنا كنت طالب من حضرتك خدمة أحنا بننشر مجلة للشباب في كنيستنا وفي باب عندنا ليه لوجو معين هو اصلا ً مرسوم خطوط فكنت عاوز حضرتك تعيد رسمه بالكمبيوتر فلو ممكن يريت ترد على على الايميل وشكرا ً
22 نوفمبر 2009 عند 8:00 م
نرجو معرفة بريدك الالكتروني لمراسلتكم عليه
24 نوفمبر 2009 عند 5:58 م
تحت أمرك يا أخى الحبيب بس الايميل مش عملى بالنسبة ليا
اسحب الصورة الى ان عاوزها سكانر وارفعها على اى موقع مجانى لرفع الصور وأبعتلى لينكها من التعليقات برضو
كده اسهل بالنسبة ليا ، وبإذن الله هبعتهالك بنفس الطريقة
25 نوفمبر 2009 عند 12:57 م
متشكر جدا ً على محبتك ولنك الصورة هو
ارجو ابلاغي عند الانتهاء من الرسم وشكرا ً
26 نوفمبر 2009 عند 2:32 م
ok
27 نوفمبر 2009 عند 3:40 م
مساء الخير اولاً الله ينور و ثانياً انت اكيد متفتكرنيش انا جون نسيم من أسوان اللى بعتلك صورة النبا هدرا و عملتها.
انا بصراحه عايز اقولك ربنا يقويك على المجهود الجبار ده انا ليه فتره مدخلتش,لكن دلوقتى انا شايف ان الوضع اتغير فى قديسين جدادو كمان موسوعه الكتاب المقدس دى فكرة جامده اوى و ربنا يشددك.
انا بس لفت نظرى حاجه انك عامل ورتين للعدرا العدرا الظهور و العدرا الأم و مش عامل العدرا الملكة على العرش او واقفه و معاهها المسيح يا ريت لو تقدر تعملها علشان بنحتاجها كتير اوى و ربنا يفويك.
30 نوفمبر 2009 عند 12:42 م
أهلاً يا جون ازى صحتك ، لا يا عم مش ناسيك اكيد ، أرجو بس تفتكر الخدمة فى صلاتك ، تحت أمرك هعمل العدرا الملكة بإذن الله
13 ديسمبر 2009 عند 10:16 م
ايه يا عم كل سنه وانت طيب بدينا شهر كيهك و معملتش صوره العدرا الملكة شايله المسيح .انت عايز العدرا تزعل منك و لا ايه؟؟هههههههههههه
متنسناش فى الصوره محتاجينها ضرورى ..
13 ديسمبر 2009 عند 10:31 م
ما أقدرش على زعل العدرا طبعاً يا عم جون أنت عاوز توقعنا مع الكبار ولا ايه 🙂
العدرا ليها تلات صور على الموسوعة واحدة التجلى والتانية شايلة المسيح والتالتة فى الرحلة لأرض مصر ، وأنا حالياً شغال فى صورة الميلاد علشان موسوعة الكتاب المقدس بإذن الله..
وتحت أمرك هعمل صورة العدرا الملكة اول ما تسمح الظروف وكمان صورة صعود العدرا ، صدقنى التأخير دايماً خارج عن إرادتى
كل سنة وانت طيب
27 ديسمبر 2009 عند 10:55 ص
جميل جدا ربنا معاكم
18 مارس 2010 عند 5:29 م
سلام ونعمة الرب يبارك حياتكم بجد حاجة تفرح
18 مارس 2010 عند 5:31 م
بجد انا فرحانة اوى ان لسة فى حاجات حلوة كدة
20 مارس 2010 عند 12:35 ص
شكراً يا ميرا لمحبتك
28 مارس 2010 عند 11:46 م
سلام الرب يكون معك وفى خدمتك العظيمة التى ستظل محفورة فى أذهان الاطفال قبل الكبار
1 أفريل 2010 عند 11:30 م
شكراً يا دودو لمحبتك وكل سنة وانتى طيبة
28 جوان 2010 عند 10:45 م
بعد إذن حضرتك أنا كنت طالب من حضرتك خدمة أحنا بننشر مجلة للشباب في كنيستنا وفي باب عندنا ليه لوجو معين هو اصلا ً مرسوم خطوط فكنت عاوز حضرتك تعيد رسمه بالكمبيوتر فلو ممكن يريت ترد على على الايميل وشكرا
ًتحت أمرك يا أخى الحبيب بس الايميل مش عملى بالنسبة ليا
اسحب الصورة الى ان عاوزها سكانر وارفعها على اى موقع مجانى لرفع الصور وأبعتلى لينكها من التعليقات برضو
كده أسهل بالنسبة ليا ، وبإذن الله هبعتهالك بنفس الطريقة
تم إرسال هذه الرسالة في 2 نوفمبر 2009 وتم رفع الصورة ولم يصلني الرد أرجو الرد وشكرا ً
28 جوان 2010 عند 11:27 م
فعلا يا اخى سامحنى أنا مقصر فى حقك وفى حق المجلة وآسف جداً ، الفترة اللى فاتت كانت فترة توقف للخدمة بسبب مشاكل فى البرنامج اللى كنت برسم بيه وأخدت وقت كبير جداً على بال ما لقيت نسخة من برنامج تانى للرسم بنعمة ربنا وقدرت أتعلمه وارجع أرسم بيه ، ولما رجعت الى لينك الصورة بتاعتكم على موقع الرفع رقيتها اتحذفت وقلت أكيد انت كمان أتصرفت بعد المدة الكبيرة دى وعملت الصورة فى مكان تانى أو صرفت نظر
سامحنى وإستحملنى وأرفعها مرة كمان وإبعتلى اللينك وأوعدك هعملها فوراً
29 جوان 2010 عند 12:04 ص
متشكر جدا ً جدا ً على الرد السريع واللنك اهو
http://rapidshare.com/files/403685266/_____________________________.jpg.html
29 جوان 2010 عند 11:37 م
متشكر جدا ً جدا ً على الرد السريع واللنك اهو
http://rapidshare.com/files/403685266/_____________________________.jpg.html
1 جويلية 2010 عند 7:00 م
تم أرسال الصورة إلى إيميلك وتحت امرك فى اى تعديلات
1 جويلية 2010 عند 8:14 م
متشكر جدا ً جدا ً ربنا يعوض تعبك
17 جويلية 2010 عند 2:23 م
صورة ابونا يسي رائعة و ياريت يوحنا المعمدان و ابونا عبد المسيح و الامير تادرس
معلش متقل عليك
18 جويلية 2010 عند 6:19 م
حاضر يا ميدو تحت أمرك
16 سبتمبر 2010 عند 12:26 ص
ربنا يعوض خدمتك الهايله دي و معلش ممكن اطل منك صورة الشهيد اسطفانوس او حتي طريقة رسمها عل الاليستليتور ايهما اقرب ليك و محتجها ضروررررررري معلش انا بتقل عليك
و شكرا ليك كتييييييييييييييييير
24 سبتمبر 2010 عند 5:56 م
أسف للتاخير فى الرد يا كيرلس بسبب ظروف خاصة واوعدك بعمل الصورة فى اقرب وقت ممكن
23 فيفري 2011 عند 4:36 ص
سلام لك أستاذى وأشكرك على الرسومات الجميلة دى … بليز أطلب منك طلب محتاج صورة المسيح – الراعى الصالح – لأنها ضرورية لنا فى الكنيسة ومالكنيسة عندنا محتاجها جدا اليومين دول فهل تقدر تخلصها لينا فى أقل وقت … شاكر تعب محبتك .
23 فيفري 2011 عند 3:03 م
شكرا لمحبتك يا سمير وحاضر تحت امرك هحاول اعملها ف قرب وقت ممكن بس صليلى
28 ماي 2011 عند 4:14 م
شكراً على الصور الأكثر من رائعة وعلى فكرة استخدامها فى كنيستى أصبح بصفة مستمرة ولا غنى عنه فى جميع مجالات الخدمة … بجد هذا الموقع فتح مجالات خدمة ممتازة فى كثير من الخدمات الكنسية وخصوصاً فى مجالات طباعة السلك سكرين
28 ماي 2011 عند 6:20 م
bgd nice job w shokran geddan 3la ta3abak w RABINA y3awadak
ana bgd mabhor en fe encyclopedia zai de w bezzat ennak kateb keset kol Keddes ta7t sorto
GOD always be wz u
thxs alot 😀
30 ماي 2011 عند 2:44 ص
ربنا يخليكى يا سارة ويفرح قلبك زى ما فرحتينى 🙂 متشكر لمحبتك وربنا يباركك انتى وخدمتك
30 ماي 2011 عند 2:46 ص
Thanks Robert for your love and encouragement 🙂
2 جوان 2011 عند 1:43 م
مساء الخير أنا ممكن أطلب صورة القديس اسطفانوس
على فكرة اللينك ده فى صورة العذراء الملكة للتلوين هى معلش مش ممتازة زى اللى أنت بتصممها بس على قد ما الواحد بيقدر وخصوصا اننا لسه بنتعلم
http://www.mediafire.com/imageview.php?quickkey=5th44luicu9x51i
3 جوان 2011 عند 7:16 ص
رررررررائع يا سارة لا هى ممتازة وجميلة جداااااااااا
أنا فرحان جدا بيها وبيكى قوليلى إنتى بترسمى ببرنامج إيه 🙂
بس معلش هى مش عاوزة تنزل وبتدينى إيرور ياريت ترفعيها تانى على الموقع ده http://www.2shared.com/
3 جوان 2011 عند 11:30 ص
أنا برسم ببرنامج CorelDRAW و الفوتوشوب بس الأكثر الفوتوشوب لأنى فى معظم الأحيان بجمع صور وأستخدمها لعمل صور جديدة لان فى صور تصلح للطباعة سلك اسكرين وفى صور لازم التعديل فيها طبقاً لاساسيات الطباعة زى القديسة دميانة جمعتها من صورة القديسة اربسيما الموجودة على الموسوعة وبعض التأثيرات الخاصة ببرنامج الفوتوشوب
لنيك القديسة دميانة http://www.2shared.com/photo/OJ8MfBgX/___online.html
لنيك العذراء الملكة http://www.2shared.com/photo/sMI3NKQj/___online.html
3 جوان 2011 عند 11:43 ص
أنا باستخدم صور الموسوعة على طول بدون التعديل عليها الا فى الحالة القصوى وده طبعا بسبب الطباعة السلك سكرين فى الخدمة الكنسية وحققت ابهار كثير من الأشخاص وذلك بسبب هذه الموسوعة الضخمة من صور القديسين بجد ربنا يعوضك على المجهود الجامد ده أنا عارفة المجهود المبزول فى كل صور على الموسوعة بجد ربنا يعوض تعب محبتك .
ياريت تقولى رأيك فى صورة القديسة دميانة
3 جوان 2011 عند 4:43 م
دوسى أكتر على الرسم بالكورل درو وكل ما ترسمى أكتر مستواكى هيتحسن لأن الفوتوشوب مش برنامج رسم ، انا برضو بجمع بعض الصور بالفوتوشوب وارسمها فى الكورل، القديسة دميانة أنيقة وجميلة قوى تسلم أيدك ولو بعتيهالى A4 هنشرها 🙂
4 جوان 2011 عند 7:47 م
شكراً لمحبتك وهحاول اركز على الكورل درو
لينك القديسة دميانة http://www.2shared.com/photo/a1iS9Shp/____.html
4 جوان 2011 عند 8:19 م
لينك أخر للقديسة دميانة
http://www.4shared.com/photo/UjiS6Zx1/____.htmll
7 جوان 2011 عند 8:46 م
سلام يا سارة
الصورتين اتنشروا تسلم إيدك ، آسف للتاخير بسبب ظروف وشكرا لمحبتك
9 جوان 2011 عند 5:31 م
شكرا على النشر بس ممكن طلب ازالة اسمى من على الصورة وذلك للاهمية
9 جوان 2011 عند 5:38 م
لو ممكن كتابة اسم خدمة الكنيسة (خدمة اتيليه الشهيد فيلوباتير ببورسعيد)
9 جوان 2011 عند 6:05 م
وكتابة اسم الكنيسة أبى سيفين الشهيدة دميانه ببورسعيدد
9 جوان 2011 عند 11:12 م
تمام يا سارة تم التعديل وشكرا لتعب محبتك ، إفتحى إيميلك اللى مسجلاه مع اسمك فى التعليقات هتلاقى رسالة منى
10 جوان 2011 عند 11:38 ص
شكرا جدا على تعبك ومعلش ممكن أطلب صورة القديس استفانوس لأنى بحاول أعملها بس مش عارفة أوصل لمستوى مناسب وخصوصا أنها مطلوبة هذه الأيام فى الخدمة
21 جوان 2011 عند 6:36 م
أنا مبهورة فعلاً …. مش مصدقة اللى أنا باشوفه !!!! بجد ربنا يبارك لك … حاجة مذهلة!!!!!!!
22 جوان 2011 عند 2:09 م
شكرا لمحبتك يا تاسونى 🙂 أرجوكى بس ما تنسيش الخدمة فى صلاتك
10 جويلية 2011 عند 9:40 م
سلام المسيح معاك أستاذى ماجد سلامة …. بجد ربنا يباركك فى الصور وانا نفسى أساعد وعندى كمية صور كويسة للتلوين وانا شغال برسم بالكوريل درو بقالى 12 سنة فلو حضرتك حبيت نتعاون انا يكون لى الشرف وانا عندى موسوعات جميلة جدا ممكن نساعد بعضنا …. ولو حبيت تكلمنى إبعت لى رسالة على الإيميل ده …
15 جويلية 2011 عند 1:44 ص
متشكر لمحبتك يا استاذ سمير وربنا يبارك أستعدادك للخدمة ، ولو ان أسمى مش ماجد سلامة ومعرفش حضرتك جبت الاسم ده منين 🙂
يمكنك ان ترسم اى صورة قديس غير موجود فى الموسوعة على حجم ورق A4 بنفس اسلوب رسم صور الموسوعة وأعدك بنشر المناسب منها كما فعلت هنا
22 أكتوبر 2011 عند 9:25 م
مساء الخير
شكرا لى مجموعة الصور الجميلة وخصوصاً الجديدة منها
ولو ممكن صورة تماف ايرينى
23 أكتوبر 2011 عند 12:28 ص
شكرا لمحبتك وذوقك يا مينا ، حاضر ربنا يدبر
10 ديسمبر 2011 عند 8:34 م
شكرا لمحبتك
كنت عايوة صورة مثل الدرهم المفقود تلوين برضو لو موجود
شكراا
12 ديسمبر 2011 عند 12:07 ص
حاضر ربنا يدبر
30 جانفي 2012 عند 10:19 م
أنا فرحان جداً بمجهودكم في الموسوعة دي وربنا يبارككم
كان عندي مجموعة أفكار ممكن تساعدكم فأرجو أن اتواصل معكم عبر الميل
شكراً
31 جانفي 2012 عند 10:14 ص
أهلا بافكارك يا اخ جوزيف وممن حضرتك تبعت اى افكار او مقترحات من خلال بوكس التعليقات واكتب معاها انها مش للنشر
20 فيفري 2012 عند 7:44 ص
مش لاقي ابو قسطور و الانبا متاؤس الفاخوري
وكنت محتاجهم ياريت ترسمهم يا فنان
23 فيفري 2012 عند 11:34 ص
حاضر بإذن الله قريب
18 مارس 2012 عند 11:08 ص
ربنا يعزينا جميعا محتاجين صورة قوية لمعلم الاجيال حبيبى قداسة البابا شنودة الثالث
ربنا يعوض تعب محبتك
20 مارس 2012 عند 7:19 ص
حاضر الموضوع كان فى تفكيرى و بإذن الله يتم قريب
21 مارس 2012 عند 11:06 ص
Pope Shenouda III
21 مارس 2012 عند 11:11 ص
M7tageen Picture L Ava Shenouda
w law Te2daro Tenazelo el Pic. yekon Masalan Maseek wara2a makotob feha kawwl
w 7aga yetamayez beha .. mn el 7agat el keteera el betmayeaaz beha
Thank you رسام الموسوعة
21 مارس 2012 عند 9:16 م
بإذن الله يا بيتر ربنا ينفعنا بصلواته
21 مارس 2012 عند 9:55 م
لو سمحت كنت محتاجة صورة تلوين للبابا شنودة عشان كنت محتاجاها فى ورش العمل يوم الجمعة
21 مارس 2012 عند 10:03 م
حاضر يا تاسونى انا شغال فيها وربنا يدبر
22 مارس 2012 عند 3:35 م
يا ريت بسرعه ربنا يعوضك
23 مارس 2012 عند 9:17 م
أتفضل يا مينا
23 مارس 2012 عند 9:17 م
أتفضلى يا رينا
23 مارس 2012 عند 9:18 م
أتفضل يا بيتر
27 مارس 2012 عند 7:19 ص
مسوعة رائعه جدا ورسمك جميل وهدفك نبيل ربنا يعوضك خير
انا قرأت هدف ونظام الموسوعة وياريت فعلا الكل يلتزم بنظام الموسوعة
لكن اذا يوجد احد يحتاج بعض الرسوم لاستخدامها تجاريا هل من الممكن ان توافق له بشرائها ؟
انا متأكد انك لا تسعى لكسب المال ولكن من الممكن ان تستخدم هذا المال في عمل الخير وللخدمة ايضا فمن الممكن ان تستخدم هذا المال في طباعة الرسمات وتوزيعها مجانا في مدارس الاحد واكيد يوجد افكار كثيرة بحيث تحافظ على هدفك
كما انك سوف تعمل خير مع من تبيع له الرسمات لانك سوف تفتح له مجال للعمل وهو ايضا يجد فرصة لعمل الخير من خلال هذا المجال
ولانك انسان كريم وعندك حب العطاء وهذا واضح من هدف الموسوعة فقد تحدد مبالغ بسيطة لكي تكون في مقدرة الجميع
شكرا لك وانتظر ردك لاني محتاج استخدام هذه الرسمات لكن موافقتك اولا
27 مارس 2012 عند 4:18 م
شكرا لمحبتك وتقديرك يا اخ مينا لكن سامحنى لأنى ارفض بيع الرسومات او استخدامها بشكل تجارى أو اسفادة اى شخخص منها ماديا حتى انا شخصيا.. ده التزام منى قدام المسيح اللى ادانى الوزنة لخدمة اسمه واولاده، بكرر أسفى ..
23 أفريل 2012 عند 6:50 م
الموسوعة جميلة جداً ربنا يعوض تعب محبتك. أنا خادم في كنيسة عذراء الزيتون في فيينا تحت رعاية صاحب النيافة الأنبا جبريل وانا المسؤول علي كل المطبوعات الكبيرة من اللوحات وحفر علي النحاس وعندي رجاء محبة ان كان في الاستطاعة الرسومات أصلية Adobe IllustratorCS4 وعملي هذا للاستخدام في الكنيسة. الرب يساعدك ويبارك عملك. مهندس شريف
7 ماي 2012 عند 6:44 م
شكرا لمحبتك يا باشمهندس وآسف للتأخر فى الرد ، سأبعث لك الرد على بريدك الالكترنى
2 جوان 2012 عند 1:03 م
ممكن صورة تلوين لابونا يسطس الانطوني ربنا يعوض تعب خدمتك
5 جوان 2012 عند 6:46 ص
حاضر يا سالى تحت أمرك
22 ديسمبر 2012 عند 9:54 ص
مجهود رائع جدا و ارجو المزيد و المزيد من صور القديسين حتي يتمجد اسم الرب في قديسيه
و لو سمحت انا عايز صورة لقداسة البابا تواضروس الثاني
و شكرا
22 ديسمبر 2012 عند 12:14 م
شكرا لمحبتك يا عماد ، قداسة البابا تواضروس أطال الله حياته ، لم أرسم صورة لقداسة البابا شنودة إلا بعد إنتقاله ،اعادت كنيستنا عدم رسم صورة لشخص كقديس إلا بعد إنتقاله للكنيسة المنتصرة وأنا ملتزم بهذا
13 أفريل 2013 عند 1:37 م
اريد صور لمنجليات
21 أفريل 2013 عند 10:34 م
حاضر ربنا يدبر
27 نوفمبر 2013 عند 9:25 م
الرب يأتى لهذه الموسوعة بالثمار المرجوة ثلاثين وستين ومئة + ويعوض كل من له تعب فى هذه الخدمة +
27 نوفمبر 2013 عند 9:31 م
اريد ان اكون صديق للموسوعة
7 ديسمبر 2013 عند 1:12 م
اوك حضرتك لو انا مصمم فوتو محترف و بلون الصور انا يا تري مسموح احط اسمي ولا لأ ملحوظة مش كمصصم الصورة لكن لاني ملونها
16 ديسمبر 2013 عند 12:14 م
شكراً ليك وربنا يكون معاك ومعايا
16 ديسمبر 2013 عند 12:14 م
انت فعلا صديق للموسوعة 🙂
16 ديسمبر 2013 عند 12:15 م
لأ أرجوك عدم التوقيع وربنا يعوضك
21 جانفي 2014 عند 8:25 م
مساء الخير
ممكن صورة تماف ايرينى تلوين
ربنا يعوضك
30 أفريل 2014 عند 12:48 م
مساء الخير لو سمحت كنت عايز اتواصل مع حضرتك ضرورى جدا بخصوص موسوعة صور التلوين (القديسين – الكتاب المقدس) فكرة جديدة و عايز اطرحها على حضرتك ياريت لو فى ايميل او اى حاجة اتواصل مع حضرتك بيها …….. خادم بكنيسة الانبا بشاى و الانبا بطرس بالزقازيق
22 جوان 2014 عند 5:38 م
لو سمحت انا بادور على صور للتلوين للشهيدان انبا ابشاى وصديقه بطرس
لو ممكن تنزلها
18 نوفمبر 2014 عند 2:31 م
هدف و مجهود رائع ، لا توجد كلمات تعبر عنه
ياريت لو فيه صورة للبابا تواضروس الثانى
ربنا يسندكم فى خدمتكم
27 نوفمبر 2014 عند 8:30 ص
ربنا يدبر قريبا
27 نوفمبر 2014 عند 8:32 ص
ربنا يدبر
20 فيفري 2017 عند 6:27 ص
مجمود مثمر علي مدار سنوات احب اشكرك عليه في البدايه
ثانياً لو هيكون فيها تعب انا محتاج صورتين مهمين بالنسبالي ومش موجودين في الموقع للأسف.
الاولي صورة لسيدنا الانبا ميخائيل مطران اسيوط الله ينيح روحه
الثانية وهي ضرورية جداً جداً انا محتاج صورة لابينا داود النبي والملك لانها مش موجودة هنا في المواقع وفي باقي الموقع بتكون الصورة موجهة للاطفال (كرتون).
بس اهم حاجة في الصورة انه يكون ملك (من حيث التاج والملابس) ، والاهم انه يكون ماسك في ايده قيثارة (لانها رمز لداود النبي)
وشكراً لتعب محبتك
30 أوت 2018 عند 12:10 م
اسف للتأخر فى الرد وحاضر تحت امرك هحاول اعملها وربنا يدبر