البداية

لاحظت أن صور التلوين المسيحية الخاصة بأحداث الكتاب المقدس مثل قصص أنبياء العهد القديم و قصة حياة ربنا يسوع المسيح له كل المجد ، متوافرة بشكل كبير نتيجة لجهود أحبائنا المباركين خدام دار الكتاب المقدس حول العالم ، أما صور قديسين الكنيسة القبطية فهى نادرة الوجود جداً لعدم تولى اى جهة أو شخص محاولة إعدادها للتلوين ونشرها بشكل جماعى منظم.

واشكر الله أنى أتقن الرسم ببرنامج أدوبي اليستريتور Adobe IllustratorCS4 فبدأت برسم صور التلوين للقديسين لخدمة مدارس الاحد ، ثم قررت أن أنشئ هذا الموقع لنشر صور تلوين قديسين الكنيسة القبطية ، لتعم فائدتها على كل الكنائس القبطية فى مصر والعالم.

مسموح بنقل وتصوير وطباعة كل محتويات المدونة من صور التلوين كذلك مسموح بنشرها فى اى منتدى أو موقع مسيحى، كذلك مسموح  بإستخدامها فى أى غرض كنسى  ما  دامت بغرض الخدمة وليست للبيع ، لكن رجاء محبة لأجل المسيح عدم وضع أى اختام أو اسماء لمواقع أو منتديات أو كنائس أو جمعيات أو هيئات خدمة على الصور ، كذلك ممنوع منعاً باتاً إستخدامها أى إستخدام تجارى بالطباعة والنشر، مسموح فقط بطباعتها ونسخها وتصويرها وتوزيعها مجانا.

(+)  مجانا أخذتم مجانا أعطوا (+)

كما اشجع الخدام المباركين الذين أمكنهم الدخول على مدونتى ان يقوموا بطباعة الصور وتوصيلها للكنائس القريبة منهم التى ربما لا يعرف خدامها بتوافر مثل هذه الصور على الانترنت.

مع العلم أن كل الصور ستكون فى حجم ورقة التصوير A4

ستصنف الصور فى الموقع ابجديا فى التصنيفات الفرعية بحسب أسماء القديسين ، وسيضاف إليها الصور الجديدة قبل مواعيد الاحتفال بذكرى الشهيد بوقت كافى إن شاء الرب وعشنا.

وسيكون نظام التصنيف بحسب اول حرف من اسم القديس بدون النظر إلى لقبه السابق للإسم فمثلاً :

الانبا مقار ستوجد صورته تحت حرف الـ ( م )

الانبا هدرا ستوجد صورته تحت حرف الـ ( هـ )

مار مرقص  ستوجد صورته تحت حرف الـ ( م )

مار جرجس ستوجد صورته تحت حرف الـ ( ج )

صلوا من اجلى

الأوسمة: , , , , , , , , , , , , , , , , , , , , , , , , , , , , , , , , , , , , , , , , , , , , ,

37 تعليق to “البداية”

  1. ابانوب ممدوح Says:

    شكرا

  2. رسام الموسوعة Says:

    لا شكر على واجب يا ابانوب أهلا بيك

  3. Emadskamil Says:

    بجد فعلا انت حلت مشكلة كانت بتوجهنا فى الخدمة

    ربنا يبارك خدمتك ويعطيك نعمه

  4. رسام الموسوعة Says:

    شكرا يا عماد على محبتك و تقديرك ، ربنا يبارك حياتك ، وخدمتك ، بتبسط جدا لما بحس ان الموسوعة بتحقق هدفها فى مكان جديد كل يوم

    ميرسى لذوقك

  5. رومانى جرجس Says:

    ربنا يباركك و يبارك خدمتك وانت فعلا خدمت ناس كتير بسبب الموقع ده
    وياريت يكون فى بينا تعاون انا بشتغل فى شركة طباعة اللوحات الكبيرة ( الفلكس و البانر و الفنيل ) وصدقتنى انا وحدى فى الشركة ده المسيحى وسألت كهنة كتير قالولى ده ممكن يكون مكان خدمتك الجديد علشان حضرتك عارف ان كنائس بتحتاج الطباعة ده للصور .
    وصدقنى هكون سعيد لو فى تعاون ما بينا و انا بشتغل على COREL DRWA+ PHOTOSHOP
    أنا أسف جدا على الإطالة

  6. رسام الموسوعة Says:

    اهلا بيك يا اخ رومانى و متشكر جدا لمحبتك وتشجيعك ، و مستعد طبعا للتعاون معاك فى الخدمة على اقدر

  7. نادر كمال Says:

    فعلاً .. مجهود رائع .. ربنا يعوضك ..

  8. رسام الموسوعة Says:

    شكرا ً يا نادر لمحبتك ارجو تصلى علشانى كتير

  9. ليباله Says:

    ايه انا مالى عايزة صور تلوين بنات

  10. رسام الموسوعة Says:

    🙂 أهلا بيكى

  11. سالى سمير Says:

    من فضلك عايزه صوره البابا شنودة للتلوين ضرورى علشان الخدمه علشان عيد رسامه قداسته

  12. رسام الموسوعة Says:

    حاضر يا سالى ربنا يسهل بس ارجو الصلاة للخدمة

  13. عادل Says:

    سلام ارجو تراسلونى الرب يعوض تعبكم مش عارف اكبر الصور الخاصة باتلوين لخدمة مدارس الاحد وشكرا سلام ونعمةالرب تكون معكم

  14. رسام الموسوعة Says:

    اهلا بيك يا اخ عادل ، الموقع عندك مفتوح 24 ساعة حمل اللى انت عاوزه ، أضغط كليك شمال على الصور المصغرة أو إضغط كليك يمين على الصورة المصغرة وإختار save link as أو save target as

  15. مينا Says:

    شكراً … ربنا يديك تعب محبتك

  16. مارى القمص داود Says:

    سلام ونعمة اخى فى الرب
    اشكرك جدا جدا على تعب محبتك وخدمتك ربنا يبارك فيها ويثمر فى هذه الخدمة 30 و60 و100
    بعد اذن حضرتك انا اخدت كام صورة لقديسين محتاجنهم قوى بس مش للتلوين لا
    علشان مشغل الدير محتاجين صور كتير تبقى اوت لاين زى دى علشان تنفع تتتحول عندنا الى صيغة لماكينة التطريز الكمبويتر الخاصة بالدير
    ونظراا لنه من النادر وجود مثل هذه الصور فنشكرك جزيل الشكر على ما قدمته من خدمة للمشغل
    ولكن هل من الممكن ان نطلب المزيد بعض من الصور على الاقل ان ان نرسل كل الصورة الاصلية وتحولها انت الى الاوت لاين او الرسم
    ان لا تستطيع فلا يوجد اى مشكلة يكفى ان الصور التى اخدناها بركة من حضرتك وربنا يعوضك على خدمتك هذه
    اما اذا كنت تسطيع ارجو التواصل او الرد سريعاا فى اى وقت يسمح به وقتك لكى يتسنى لنا العمل فى المشغل باسرع وقت
    وعلى سبيل المثال : مطلوب منا ان نعمل طقم مذبح كامل وستر للهيكل عليه صور السمائيين اى الاربعة حيوانات والرب على العرش وقد بحثنا كثيراا عنها فلم نجدها
    على العموم نشكرك على خدمتك وعلى هذا الموقع الرائع وايضا سوف استخدم هذه الصور ايضا فى طباعة كتاب تلوين لمدارس الاحد فى احدى القرى الاتى يخدم فيها والدى ارجو تقبل احترامى وجزيل الشكر لك
    سلام المسيح معك
    اختك مارى القمص داود _قنا

  17. رسام الموسوعة Says:

    متشكر لمحبتك الكبيرة يا تاسونى مارى ، سعيد جداً بإستفادتكم من الصور :)وتحت أمر المشغل فى اى صور تحتاجوها ، هبعتلك رسالة من ايميلى على الميل بتاعك علشان ترسلى عليه الصور اللى محتاجاها، ما تنسيش تصلى للخدمة كتير وياريت أبونا يذكرنى فى صلاته

  18. sally Says:

    ربنا يبارك تعب خدمتك فكرة الموقع رائعة جداً و ابن اختي عادل 5 سنين بيخش لوحده على السيت و بيطبع القديسين الي بيحبهم علشان يلون و هو عاوز صورة ابونا يسطس الانطونى ممكن تضيفها علشان خاطر عادل و شكرا مقدماً

  19. رسام الموسوعة Says:

    حقيقى فرحتينى جد يا سالى🙂 ربنا يبارك فى عادل وتشوفوه زى ما تتمنوا🙂

    تحياتى يا عادل واهلا بيك دايما🙂

  20. sally Says:

    شكرا لحضرتك يا رسام الموسوعة ارجوك ابونا يسطس الانطونى
    ارجوك اديني ميعاد عادل بيسأل عمو بعت ابونا يسطس ولا لسه كل يوم و شكرا على تعبك

  21. رسام الموسوعة Says:

    حاضر أنا تحت أمر عادل بس فعلا مقدرش ادى مواعيد ، المسألة ما بتمشيش معايا كده ، كل الى اقدر اقوله قريب بإذن الله

  22. Peter Morshed Says:

    صوره البابا تواضروس تلوين

  23. alice Says:

    سلام المسيح ، اني اقوم بعمل رسالة دكتوراة عن تقييم المراجع القبطية المتاحة على شبكة الانترنت وكنت اريد معرفة بعض المعلومات عن رسام الموسوعة برجاء الاهتمام والرد

  24. رسام الموسوعة Says:

    أتمنى لكى كل توفيق لكن ما يهمنى هو معرفة الجميع بالخدمة لا بشخصى الحقير ،لا يمكننى سوى إفادتك بمعلومات إحصائية عن نمو زوار الموسوعة وعدد الصور بها وما شابه ، ربنا معاكى

  25. michaelfanous Says:

    Hello, may you please contact me mfanous@gmail.com regarding your images for the Bible and Coptic Icons. I am working on a small project and would like your permission on a few things. Please send me your skype or contact information. Thank you and God bless your work!

  26. alice Says:

    استاذي احترم رغبتك في اعطاء خدمتك كل الاهتمام ولكن هذا ايضا من نوع خدمة اهداف الكنيسة وازدهار الدراسات الاكاديمية الخاصة بالكنيسة القبطية وان كان سيادتكم متخوف من اعطاء اية معلومات تستطيع التاكد من استخدام المعلومات للاهداف العلمية ويستطيع سيادتكم التاكد من بيانات الرسالة بكلية الاداب جامعة الاسكندرية ، ومن المعلومات المطلوبة للاجابة عليها
    الخاصة بمؤلف الموسوعة / اسم المؤلف / خلفية المؤلف وتخصصة ووظيفتة / معلومات الاتصال/ هل ينتمي الى مؤسسة معينة في انشاء الموسوعة / هل يفسر المؤلف طرق البحث وكيفية جمع المعلومات والبيانات /ما هي مصادر المعلومات المستخدمة في انشاء الموسوعة / هل المصدر خال من الاخطاء اللغوية والطباعية والمنهجية / هل هناك من يقوم بفحص المعلومات الموضوعة بالموسوعة /ما هي مبادئ الترتيب بالموسوعة هذة معلومات مبدئية مطلوبة لكي استطيع دراسة الموقع وتحليلة واتمنى من شخصكم الكريم التعاون مثل المواقع الاخرى

  27. alice Says:

    هل يرضي المصدر احتياجات المستفدين هذا السؤال موجه لكل المستفيدين من الموقع

  28. alice Says:

    هناك روابط مثل السنكسار والاشغال الفنية والاكركيت ولكنها لا تعمل هل سوف يتم تفعيلها مستقبلا ام ان لها هدف اخر

  29. alice Says:

    هل يوجد ملفات صوتية بالوقع

  30. رسام الموسوعة Says:

    أعتذر للتأخير فى الرد لأنى لا افتح الموسوعة بصورة منتظمة وأعدك بالرد على ما أملك أجابته من اسئلتك على بريد الالكترونى فى أقرب فرصة

  31. Alice Says:

    مساء الخير ، انتظر ردكم من فترة ولكني لا اجد شئ لماذا كل هذا الوقت

  32. رسام الموسوعة Says:

    اعتذر عن التأخير لظروف خاصة

  33. alice Says:

    في اي عام تم نشر الموقع 2009 ولا 2010 سيادتكم في هدف الموسوعه كاتب بدات العمل 2010 ولكن هناك تعليقات بعام 2009

  34. alice Says:

    لا اعلم لماذا كل هذا الوقت ان كنت لا ترغب بذكر معلومات شخصية اريد فقط معرفة هل تخصص سيادتكم العملي ووظيفتك ساعدتك في انشاء الموسوعة ، أم أنها هواية ، وهل هو عمل شخصي ام سيادتكم تنتمي لمؤسسة معينة اتمنى الاهتمام لاني تقريبا انتهيت من المصادر المرجعية الأخرى ولا ينقصني الا المعلومات عن مؤلف موسوعتكم وشكرا

  35. رسام الموسوعة Says:

    بدأت الموسوعةعام 2009 باقى المعلومات ستكون على بريدك بعد دقائق

  36. رسام الموسوعة Says:

    اكرر الاعتذار ، الرد موجود على بريدك الالكترونى

  37. alice Says:

    thanks for you

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: