هدف ونظام الموسوعة

لاحظت أن صور التلوين المسيحية الخاصة بأحداث الكتاب المقدس مثل قصص أنبياء العهد القديم و قصة حياة ربنا يسوع المسيح له كل المجد ، متوافرة بشكل كبير نتيجة لجهود أحبائنا المباركين خدام دار الكتاب المقدس حول العالم ، أما صور قديسين الكنيسة القبطية فهى نادرة الوجود جداً لعدم تولى اى جهة أو شخص محاولة إعدادها للتلوين ونشرها بشكل جماعى منظم.

واشكر الله أنى أتقن الرسم ببرنامج أدوبي اليستريتور Adobe IllustratorCS4 (تحديث : أستخدم منذ منتصف عام 2010 برنامج  CorelDRAW Graphics Suite X5) فبدأت برسم صور التلوين للقديسين لخدمة مدارس الاحد ، ثم قررت أن أنشئ هذا الموقع  لنشر صور تلوين قديسين الكنيسة القبطية ، لتعم فائدتها على كل الكنائس القبطية فى مصر والعالم.

مسموح بنقل وتصوير وطباعة كل محتويات المدونة من صور التلوين كذلك مسموح بنشرها فى اى منتدى أو موقع مسيحى ،كذلك مسموح  بإستخدامها فى أى غرض كنسى  ما  دامت بغرض الخدمة وليست للبيع، لكن رجاء محبة لأجل المسيح عدم وضع أى اختام أو اسماء لمواقع أو منتديات أو كنائس أو جمعيات أو هيئات خدمة على الصور ، كذلك ممنوع منعاً باتاً إستخدامها أى إستخدام تجارى بالطباعة والنشر، مسموح فقط بطباعتها ونسخها وتصويرها وتوزيعها مجانا.

(+) مجانا أخذتم مجانا أعطوا (+)

كما اشجع الخدام المباركين الذين أمكنهم الدخول على مدونتى ان يقوموا بطباعة الصور وتوصيلها للكنائس القريبة منهم التى ربما لا يعرف خدامها بتوافر مثل هذه الصور على الانترنت.

مع العلم أن كل الصور ستكون فى حجم ورقة التصوير A4

ستصنف الصور فى الموقع ابجديا فى التصنيفات الفرعية بحسب أسماء القديسين ، وسيضاف إليها الصور الجديدة قبل مواعيد الاحتفال بذكرى الشهيد بوقت كافى إن شاء الرب وعشنا.

وسيكون نظام التصنيف بحسب اول حرف من اسم القديس بدون النظر إلى لقبه السابق للإسم فمثلاً :

الانبا مقار ستوجد صورته تحت حرف الـ ( م )

الانبا هدرا ستوجد صورته تحت حرف الـ ( هـ )

مار مرقص ستوجد صورته تحت حرف الـ ( م )

مار جرجس ستوجد صورته تحت حرف الـ ( ج )

صلوا من اجلى

172 تعليقات to “هدف ونظام الموسوعة”

  1. bassili Says:

    very good

  2. smsm Says:

    ربنا يباركك ويستخدمك لمجده

    مجهود رائع جدا جدا جدا

    وربنا يوفقك ويكافئك من عنده

    تقبل تحياتى

    اخوك سامح

  3. رسام الموسوعة Says:

    الاحباء فى المسيح باسيلى وسامح شاكر محبتكم وأرجو تصلولى علشان ربنا يتم عمله

  4. مارينا ادوارد شاكر Says:

    مجهود اكثر من رائع ربنا يبارك مجهودك

  5. رسام الموسوعة Says:

    تعيشى يا مارينا ، متشكر لتشجيعك وذوقك ، صليلى علشان ربنا يحط ايده والخدمة تكمل بشكل كويس

  6. KIROOOO Says:

    بجد مجهوود رووووووووووووووعة جدا جدا جدا جدا
    ربنا يباركك و يقويك مش هأقول لك قد ايه أنا تعبت و أنا بدرو علي الصور دي
    بجد ربنا يعوضك بس رجاء كملهم
    عاوزين كل القديسين و أنا هأتابع معاك و أبص علي الموقع كل يوم ان شا ء الله

    ربنا يقويك

  7. رسام الموسوعة Says:

    الف شكر لمحبتك وتشجيعك يا كيرو ، انا بتبسط جدا لما احس بوصول فائدة الموسوعة وإنتشارها ، وبإذن الله حكمل الصور بس الموضوع ده محتاج تساهم فيه بصلاتك ان ربنا يحط ايده ويبارك الخدمة ويقوينى ، وأهلا بزيارتك كل يوم :)

  8. خادم الرب -بشرى Says:

    ربنا يباركك ويبارك فى الخدمة ويعوض تعب محبتك ومجهود فعلا أكثر من رائع

    مع تحياتى وأمنياتى لك بالتوفيق والنجاح من أجل الخدمة

  9. رسام الموسوعة Says:

    متشكر جداً على محبتك يا بشرى اتمنى فعلا تصلى للخدمة دايماً ، ومبسوط جدا ان الصور عجبتك ، ربنا يباركك ويبارك خدمتك

  10. mina Says:

    كنت بدور من زمااااااااااااااااااااااان على موقع زي ده . فعلا مجهود رائع
    هانشر الموقع ده علي جروب خدمة ابتدائي علشان الكل يستفاد منه
    ربنا يعوض تعب محبتك

  11. رسام الموسوعة Says:

    شكرا يا مينا على محبتك ومشاركتك فى الخدمة لأن النشر مهم جداً زى الرسم ويمكن اكتر لأنه مفيش قيمة لمجهود محدش بيستفيد منه، يا ريت كل الى يعجبه الموقع سواء كان خادم او لأ ينشره فى كل منتدى او مجموعة بريدية مشترك فيها و كل كنيسة يقدر يوصلها علشان الفايدة تنتشر ،أهلا بيك

  12. aymant80 Says:

    بصر احة جميلة جدا لأ نى عندى مارولا وجومانة بيحبو التلوين

  13. رسام الموسوعة Says:

    ربنا يخليهملك وتفرح بيهم دايماً ، التلوين ممتع للطفل وله فوايد كتير جدا لأنه بينمى حواسه وتحكمه فى القلم وبيلفت نظره للبيئة حواليه علشان يعرف اللون الى المفروض يستعمله لتلوين كل حاجة فى الصورة فقوة ملاحظته بتزيد، وكمان بتكون فرصة لتعليمه شئ عن موضوع الصورة ، وفى حالتنا المعلومة بتكون طبعا سيرة القديس، بالأضافة كمان لتنمية مواهبه الفنية وتنسيقه للالوان، وغير كل ده بعد ما بيخلص تلوين الصورة بيحس بلذة الإنجاز.

  14. ياسر ناصح Says:

    أنا خادم بكنيسة ألأنبا بولا بعزبة النخل الشرقية القاهرة و عايز صور للتلوين لقصص الكتاب المقدس للتلوين لخدمة ألأطفال

  15. رسام الموسوعة Says:

    اهلا بيك يا اخ ياسر ، أنا حاليا مركز على هدف محدد وهو صور القديسين ، صور تلوين الكتاب المقدس منتشرة جداً على الإنترنت ، لكن نصيحتى دور على الصور بالإنجليزى يعنى ببساطة ترجم الكلمة او الحدث الى عاوز تدور عليه فى ترجمة جوجل مثلا او فى اى برنامج ترجمة ودور عليها حتلاقى نتائج كتيرة.
    عموما دى بعض الكلمات الى ممكن تساعدك فى البحث
    الإنجيل bible coloring
    المسيحية Christian coloring
    يسوع المسيح Jesus Christ coloring
    الكنيسة Church coloring
    الكتاب المقدسholy book coloring
    عيد الميلاد Christmas coloring
    عيد القيامة Easter coloring
    قيامة المسيح Resurrection coloring
    الصليب cross coloring
    الصلاة pray coloring
    العهد القديم old testimony coloring
    الرب god coloring
    مدارس الأحد Sunday School coloring
    يوم الأحد Sunday coloring
    الرب lord coloring
    موسى Moses Coloring
    السامرى الصالح Good Samaritan coloring
    يشوع Joshua coloring
    بولس Paul coloring

  16. www.CopticTamgeed.com Says:

    مجهود جميل ورائع – نطلب من الرب يسوع ان يبارك خدمتك

  17. رسام الموسوعة Says:

    الاحباء المسئولين عن الموقع الرائع تمجيد لسير القديسين ، متشكر جداً لمحبتكم وتقديركم وأتمنى ان تصلوا دائما للخدمة وتفيدونى بآرائكم ومقترحاتكم المثمرة

  18. albert Says:

    hello
    I’d like to thank you and would you please send me a link for this program
    TO MAKE WHAT i WANT

    God bless you

  19. رسام الموسوعة Says:

    ok albert take this
    http://www.g999g.com/vb/showthread.php?t=36499
    or
    http://www.allulu.org/vb/showthread.php?t=1854
    or
    http://www.losha.net/vb/showthread.php?t=17457
    or
    http://www.damasgate.com/vb/t124572.html
    تم تحديث اللينكات لتنزيل النسخة الجديدة من البرنامج وهى Adobe Illustrator CS4 Middle Eastern

  20. اندرو Says:

    انا بحب التلوين جدااااااااااااا والرب يعوض تعب محبتكم ويبارك فى هذه الخدمة وانا بلون بتنسيق حلو

  21. رسام الموسوعة Says:

    اهلا بيك يا اندرو وانا كمان بحب التلوين :)

  22. mico Says:

    بجد رائع جدا جدا جدا لنها كمان معمولة بدقة جامدة جدا ، أنا بأشكرك جدا وربنا يقويك علي الخدمة دي
    ياريت لو سمحت صور لموسي النبي وكمان ياريت بقية الأنبياء

  23. رسام الموسوعة Says:

    أهلا بيك يا ميكو ومتشكر جدا جدا لذوقك ومحبتك ، ومتشكر على صلاتك الى فعلاً محتاجها ، بس زى ما قلت قبل كده انا بحاول اعمل الى ما اتعملش قبل كده علشان ميكونش جهد ضايع ومكرر ، ممكن ببساطة تدور بالإنجليزى على صورة موسى النبى بالكلمة دى Moses Coloring وهتلاقى نتايج حلوة كتير

  24. mico Says:

    شكرا لردك وافادتك لي

  25. رسام الموسوعة Says:

    لا شكر على واجب يا ميكو اهلا بيك ديماً

  26. نيبال Says:

    حلو اوى الصور بس ياريت تحطوا قصه القديس فى صورة صور عشان نستخدمها فى وسائل الايضاح

  27. رسام الموسوعة Says:

    أهلا بيك يا نيبال متشكر للإهتمام بس سير كل القديسين منتشرة على الانترنت وفى كتب كتيرة وانا بكتب تحت الصورة نبذة مختصرة جدا عن القديس للى ميعرفهوش وعلشان اسهل الوصول للصورة من محركات البحث ، مش عارف قصدك أيه بالظبط ..

  28. سامح Says:

    شكرا اخى الغالى
    على المجهود المتميز جدا
    فى المدونة والموسوعة الرائعة جدا
    والتى تقدم لاطفالنا الغاليين
    ربنا يبارك وخدمتك
    بنعمة المسيح

  29. رسام الموسوعة Says:

    متشكر جداً جداً أخى سامح على محبتك وكلماتك الجميلة وأتمنى تصليلى دايماً ، أهلا بيك

  30. جوجو Says:

    دى فكرة اكتر من رائعة ومفيدة جدا لكل خدام اسر ملايكة .. ربنا يعوض تعب محبتك .. استمر وننتظر المزيد

  31. رسام الموسوعة Says:

    اهلا بيك يا جوجو وشكرا لمحبتك ، ارجو تصلى علشان الخدمة كتير

  32. memebasha Says:

    لو سمحت صورة السيد المسيح يقرع على الباب بالخطوط وأى صور للسيدة العذراء وشكرا

  33. memebasha Says:

    رائع وجميل

  34. رسام الموسوعة Says:

    أهلا بيك يا ميمى باشا ، متشكر لردك وتشجيعك ، بالنسبة لصور السيدة العذراء موجود لها صور تين لحد دلوقتى فى الموسوعة وهما صورة التجلى وصورتها مع الطفل يسوع ، بالنسبة لصورة المسيح آسف جداً إنى مش هقدر اعملها حالياً علشان ما اخرجش عن الهدف الاساسى الى عملت الموسوعة علشانه وهو صور القديسين.

    بس وعد منى لحضرتك ولكل الاحباء الى طلبوا الطلب ده منى قبل كده فى التعليقات أو الى يعرفونى شخصياً ، اوعدكم انه لو ربنا ادانى عمر لحد ما اخلص كل صور قديسين الكنيسة القبطية هحاول ابتدى فى عمل موسوعة جديدة لصور تلوين الكتاب المقدس العهد القديم والجديد ، ارجو تصلولى كتير.

  35. ferooo Says:

    شكرا جزيلا علي تعب محبتك وربنا يعوضك

  36. رسام الموسوعة Says:

    أهلا بيك يا فيرووو نورت الموسوعة ، متشكر جدا لمحبتك وتشجيعك إذكرنى فى صلاتك

  37. جون نسيم Says:

    انا مش عارف اشكرك ازاي على المجهود الخرافى اللى انت عامله ده,بصراحه ربنا يباركك و يقويك,وبصراحه الموسوعه دي سهلت علينا حاجات كتير اوى فى الكنيسه فى الأجتماعات و كمان بالأخص فى مدارس الأحد.

    انا على العموم من اسوان و عندى رجاء صغير: ينفع لو بعتلك صوره للأنبا هدرا السائح الأسوانى تعملها و تنزله ولا صعب, علشان انت مش حاطتها مع انك حاطط اسمه فى تعريف الموسوعه.

    على العموم انا هبعتلك لينك الصوره و لو قدرت تعملها اعملها و انا هتابع على الموقع هنا.

    و كمان ياريت تعملننا صوره حلوه للبابا شنودة.

    لينك صوره الأنبا هدرا السائح الأسوانى:
    http://img207.imageshack.us/img207/4397/maikl.jpg

    خلى بالك انه اسقف يعنى اهم حاجه عصا الرعايه و الصليب أو الأنجيل..

  38. رسام الموسوعة Says:

    أهلا بيك يا جون ، متشكر جدا لمحبتك وتقديرك ، تعليقك فرحنى جداً بإنتشار الفائدة من الموسوعة ، اهلا بيك وبكل اهل اسوان الحلوين ، بالنسبة لصورة الانبا هدرا فكنت فعلاً لسه حأرسمها لأنى برسم بترتيب القديسين فى السنكسار ، علشان يكون فى نظام فى الشغل وما انساش اى قديس .

    لكن تحت أمرك هتكون صورة الانبا هدرا هى الصورة الجاية بإذن الله ، إستناها خلال ايام ، وأتمنى أى حد يلاقى قديس ما أترسمش يعمل زيك ويبعت صورة القديس ولو ان صورة الانبا هدرا كانت عندى فعلا ، بس الى انا محتاجه حقيقى هو صورة لدير الانبا هدرا فى اسوان ، لأن زى ما انت ملاحظ انا برسم دير أو كنيسة القديس وراه فى خلفية الصورة فيا ريت لو تقدر تبعتلى اى صورة له علشان مقدرتش الاقيها.

  39. جون نسيم Says:

    يا سلام يا غالى انت جيت فى جمل , ده انا ابعتلك الدير كله و كمان اللى فيه.هههههههه

    ده انتى اللى فرحتنى يا غالى, على العموم ادى شويه صور للدير من كام جانب شوفهم و استنتج صورته:

    http://img2.photograph
    ersdirect.com/img/5171/wm/pd1183118.jpg
    http://img14.imageshack.us/img14/4140/dir111.jpg
    http://egypt.adventure.freeservers.com/photos/st%20simeon%20346.JPG
    http://www.touregypt.net/featurestories/simeon5.jpg
    http://farm4.static.flickr.com/3084/3248454984_df99490bf4.jpg
    http://www.travel-library.com/images/tourpics//685-2683-8565.jpg
    http://pro.corbis.com/images/RW002008.jpg?size=67&uid=%7B3B9145D4-6053-4FD8-BA17-6A425F543BBC%7D

    الصور المهمه بالترتيب من فوق لتحت, لكن خلى بالك باب الدير هو اللى فى اول صوره على اقصي ايدك الشمل و جنبه عربيه بيضه,حاول تستنج الشكل من باقى الصور,و لو فى اي استفسار كلمنى على **********

  40. رسام الموسوعة Says:

    متشكر جدا يا جون على تعبك وذوقك ، الصور ممتازة ، رقمك حفظته عندى بس طبعاً شلته من التعليق ، صليلى كتير

  41. Rimoun Says:

    مساء الخير
    شاهدت موقعك بالصدفة و الحقيقة أرى أنه رغم بساطته من أهم المواقع المسيحية المصرية التى تحوى محتوى متفرد و غير منقول أو مكرر. أتمنى أن تسمح لى بدعم خدمتك على قدر إستطاعتى .. مبدأيا يمكننى تقديم إستضافة مجانية و حجز إسم موقع domain مجانى لموقعك.. أرجو الإتصال بى

  42. رسام الموسوعة Says:

    الاخ الحبيب فى المسيح ريمون أهلا بك
    متشكر جدا جدا لمحبتك وإطرائك الذى اسعدنى ،وإهتمامك بالخدمة وإيجابيتك فى المشاركة فيها ، ومتشكر جدا لمحبتك وعرضك الكريم.
    أتمنى طبعا نقل الموسوعة لموقع مؤجر ودومين بإسمها
    لكن الحقيقة ان المدونة المجانية سهلة بالنسبة لى فى الادارة ورفع الصور الجديدة فى تصنيفاتها، الصور موجودة فى المدونة تحت امرك و يمكنك إنشاء موقع للموسوعة وإضافة الصور الموجودة فى المدونة حتى الان إليه ،وتحديثها اول بأول بنقل الصور الجديدة من المدونة، فللاسف لا امتلك الوقت لتصميم موقع خاص بالموسوعة وإدارته فرسم الصور يستغرق الكثير من الوقت بالإضافة لعملى .
    وشرطى هو فقط نقل الصور بنفس نظام التصنيف والوصف المصاحب لكل صورة ونقل شروط النشر الموجودة فى المدونة و أن يكون الموقع الجديد متاح للجميع دخوله وتنزيل الصور منه مجاناً بدون مقابل مادى أو إشتراك مع عدم ختم الصور بأسم الموقع.
    اقترح للدومين أسم
    http://www.copticsaints.com
    والرب وحده قادر أن يعوض كل من له تعب محبة فى خدمة أسمه القدوس.
    وارجو إفادتى بما يوفقك الرب اليه فى هذا الموضوع.

  43. جون نسيم Says:

    انا بصراحه عايز اشكرك على تعبك و ذوقك معانا مع ان الشكر جه متأخر شويه,بصراحه صورة الأنبا هدرا خرافه. لكن نفسي اوضحلك حاجه صغيرة ان الأنبا هدرا يطلق عليه الأثريين اسم الأنبا سمعان لكن دى اسم خاطئ ,لأنه بحسب السنكسار فى يوم 12 كيهك و بحسب المخطوطه 319 من مخطوطات دير السريان اسم القديس الأنبا هدرا و ليس الأنبا سمعان.

    لكن اسم سمعان زى ما قولت ده اطلقه عليه الأثريين و كمان هم بيشكوا انه يمكن رئيس للدير جه بعض الأنبا هدرا,انا حبيت اوضحلك علشان تشيل اسم سمعان من سيرته.

    وربنا يعوضك كل خير.

  44. Sameh Says:

    Very nice work !
    I wonder if you can also post the files with a different extension (*.svg) for the benefit of everyone ?

  45. رسام الموسوعة Says:

    العفو يا جون لا شكر على واجب ، تم تصحيح الخطأ يا وشكرا للإهتمام والمتابعة.

  46. رسام الموسوعة Says:

    اهلا يا اخ سامح وشكرا لمجاملتك ، الامتداد الذى تطلبه لا اعتقد انه مفيد لأحد سوى للمطابع وهو ما ارفضه ، ال JPG هو اكثر إمتدادات الصور رواج فى العالم وهو مفيد لهدف الموسوعة كصور تلوين سهلة للتدوال على اى جهاز وللطباعة على الطباعات المنزلية.

  47. uoan Says:

    ربنا يعوض تعبك وهو ال يديلك تعبك انا مبسوط خالص من الصور وربنا يديلك بركة من كل قديس انت بترسمله صورة ربنا يقويك

  48. رسام الموسوعة Says:

    متشكر جدا يا يؤان على تشجيعك ومحبتك ،بركة صلوات قديسين المسيح تكون معانا كلنا

  49. CARLITO Says:

    ربنا يبارك تعبك بجد مجهود جبار

  50. رسام الموسوعة Says:

    شكرا يا كارليتو على إهتمامك وتقديرك ، ارجو تصليلى علشان اكتمال الخدمة

  51. مريم Says:

    سلام…
    اشكرك جدا على المجهود التحفة ده …حضرتك مش عارف انا بقالى سنة تقريبا دايخة على صور قديسين لاسرة مدارس لاحد – ملايكة وكل اللى بلاقيه من النت (زى ما قولت) صور الكتاب المقدس لدرجة انى بدأت ارسم بعض الصور على الفوتوشوب وده متعب جدا

    وبالصدفة -لأ ده ترتيب ربنا- لقيت الموقع ده …بجد مجهود جبار والرسومات بجد حلوة اوى وحتى وشهم “امور”…حلوين فعلا

    لى طلب بس لو بعد كده ترسم طقوس الكنيسة يعنى التناول وسر المعمودية و مسحة المرضى…انا عارفة انه مش ضمن الاهداف الحاليه بس الصور دى برضه مش موجودة خالص.
    ياريت كمان كنت عايزة صورة مكسيموس ودوماديوس

    معلش طولت عليك بس بجد ربنا يباركك على الخدمة الرائعة دى ويعوضك فى السما مش ع الارض.
    ….سلام.

  52. رسام الموسوعة Says:

    أهلا بيكى يا مريم ومتشكر جدا لتعليقك الجميل ، سبقتك فى رسم صور القديسين على الفوتوشوب :) وكان عذاب لانه برنامج تحرير صور مش رسم ، حاولى تتعلمى الاليسليتور حتلاقيه لذيذ وسهل جداً فى الرسم (دروسه منتشرة جداً على النت وشبه الفوتوشوب فى حاجات كتير).

    بالنسبة لرسم اسرار الكنيسة فدى فعلاً فكرة جميلة جداً وأوعدك أنى هعملها قريب بإذن الله .

    بالنسبة للقديسين مكسيموس ودماديوس فأنا شغال فى صورتهم وهيكونوا موجودين على الموقع قريب بنعمة الرب.
    وأخيراً متشكر جدا لذوقك واتمنى تفيدينى برأيك وأفكارك دايماً

  53. جون نسيم Says:

    انا بس حطتيت رد دلوقتى علشان اشكرك تانى و تالت,بصراحه انت بتجبر الواحد انه يشكرك كل ما تنزل صوره جديده و انا بصراحه مش عارف اقولك ايه ربنا يعوضك كل خير .
    و ثق تماماً ان كل القديسين اللى انت بترسم صورهم عمرهم ما هينسوا خدمتك دى.

  54. رسام الموسوعة Says:

    الف شكر يا عم جون على ذوقك ، بجد مش عارف اقولك ايه أهلا بيك وبردودك دايما واتمنى متنشاش الخدمة فى صلاتك

  55. مريم Says:

    سلام…
    اشكرك مرة تانية واصلى لربنا انه يبارك خدمتك
    انا بس قلقت عشان فات مدة على اخر صورة . وانا بادخل بقالى مدة ونفس الصورة .. ياريت يكون خير.
    وحشنا الشغل الحلو بجد ..
    سلام المسيح يكون معاك

  56. رسام الموسوعة Says:

    اهلا بيكى دايماً يا مريم
    متشكر جداً لإهتمامك ولسؤالك وآسف للتأخير فعلاً بس المشكلة كانت ضغط الشغل عندى اليومين الى فاتوا.
    بس النهاردة هنزل صورة جديدة كمان دقايق
    عايز صلاتك دايماً
    ومتشكر لإهتمامك ومحبتك

  57. سارة Says:

    بجد ميرسى كتير على الموقع الجميل ده انا كنت محتاجة صور للخدمة كتير

  58. رسام الموسوعة Says:

    اهلا بيكى يا سارة وشكرا لمحبتك واتنى تصليلى كتير لانى محتاج للصلاة فعلاً

  59. مريم Says:

    سلام…
    شكرا لردك…وحمدلله ع السلامة
    انا شفت الصورة الجديدة وبجد كنت محتاجاها للاسبوع الجاى..متشكرة اوى
    وكل سنة وانت طيب وعايزين كمان بجد
    ربنا معاك
    سلام.

  60. رسام الموسوعة Says:

    شكرا يا مريم ربنا يباركك
    بالنسبة لملاحظتك صلحتها خلاص :)
    ومفيش شكر طبعا ممكن اقولهولك
    برافوا عليكى ..
    ناس كتير جداً وريتهالهم ومحدش عرف يلاحظ فيها ايه ابداً :)
    معلش علشان بس تتأكدى ضغط الشغل عامل في ايه ، الواحد بقى شيش بيش خالص :)
    ربنا يكرمك وخللى عينك معايا تملى

  61. ريمون Says:

    نرجو منكم رسم صورة القديس اباكراجون الشهيد سنكسار 25 أبيب وله كتاب في مكتبة المحبة أو راسلني لارسل صورة له مع مجموعة اخري من صور القديسين غير المشهورين
    ريمون
    *******

  62. رسام الموسوعة Says:

    متشكر يا ريمون وممكن ترفع صور القديسين الى انت عاوزهم على اى موقع رفع وتبعتلى لينكها فى التعليقات بسهولة .

    وياريت تبتدى بصورة القديس اباكراجون

  63. sobhyss Says:

    ربنا يعوضك بجد موقع جااااامد جدا ورسومات هايلة حقيقى انا بستفاد بيها للاولاد فى الخدمة بس كنت عايز صورة الانبا موسى تلوين ومش عارف اجيبها ازاى اتمنى لو عندك ابعتهالى على الميل ليك كل التحية والمحبة
    صبحى

  64. رسام الموسوعة Says:

    متشكر يا سمير لمحبتك ، صورة الانبا موسى إضافت إمبارح للموسوعة فعلاً

  65. samirmahfouzaziz Says:

    السلام والنعمة
    متشكر جدا لمحبتك صورة الانبا موسي جميلة جدا بركة صلواتة تكون معاك
    ارجو من حضرتك صورة للتلوين للقديسين بطرس وبولس بمناسبة عيد استشهادهم لتوزيعها يوم الجمعة علي مدارس الاحد
    شكرا اذكرني في صلواتك سمير

  66. رسام الموسوعة Says:

    لا شكر على واجب يا سمير وبإذن ربنا صورتهم فى الطريق
    صلاة القديسين تكون معاك

  67. samirmahfouzaziz Says:

    السلام والنعمة
    انا بافكر حضرتك بصورة القديسين بطرس وبولس للتلوين علشان نوزعها الجمعة اللي جاية في دارس الاحد وربنا يعوض تعب محبتك
    صلي من اجل ضعفي
    سمير

  68. رسام الموسوعة Says:

    حاضر يا سمير صدقنى مش ناسى ، ربنا معاك

  69. samirmahfouzaziz Says:

    السلام والنعمة
    متشكر جدا علي الصورة الجميلة دي وربنا يعوض تعب محبتك
    صلي من اجل ضعفي
    سمير

  70. رسام الموسوعة Says:

    تعيش يا سمير ربنا معاك ويبارك فى خدمتك

  71. kamel nawar Says:

    ربا يعوض تعب محبتكم الرائع إللى أنا شخصيا أستدفت اكتر من مرة بيه فى خدمتى و بقترح لو أمكن مجموعة الصور كلها بالنبذات يبقى فيه أمكانية تحميلهم كلهم فى ملف واحد مضغوط لسهولة تحميلهم و نشرها بين الخدام بسهول
    و ربنا يعوض تعب محبتكم

  72. kamel nawar Says:

    ربنا يعوض تبع محبتك الواضح إللى انا شخصيا أستفدت منه فى خدمتى و بقترح لو تتجمع الصور دى كلها فى ملف واحد ووارد أو أكروبات ريدر و تحميلها فى ملف واحد مضغوط لتسهيل تداولها بين الخدام للأستفادة منها بأقدر قدر مستطاع.
    و لم أمكن أخد معاكم بركة الخدمة دى فى تجميعهم و تنسيقهم.
    و ربنا يعضو تعب محبتكم

  73. رسام الموسوعة Says:

    أهلاً بيك يا كميل ومتشكر لمحبتك ، فكرة الجمع فى ملف مضغوط حلوة بس المشكلة ان الشغل لسه مخلصش والصور بتزيد فى الموسوعة بشكر مستمر زى ما أنت شايف .

    وأهلاً بمشاركتك فى الخدمة ، كل صور الموسوعة تحت أمرك جمعهم وأضغطهم ووزعهم بالطريقة التى تشوفها مفيدة .

  74. samirmahfouzaziz Says:

    السلام والنعمة
    ارجوا ان من حضرتك صورة للتلوين للقديسة ثاوغنسطة لعرضها لاطفال مدارس الاحد ابتدائي
    وواردة ضمن مهرجان الكرازة لاطفال ابتدائي
    وربنا يعوض تعب محبتك
    صلي من اجل ضعفي
    سمير

  75. رسام الموسوعة Says:

    أولاً اسف لتأخير فى الرد بسبب ظروف خاصة ، وأنا تحت أمرك لكن بس أرجو ارسال لينك لصورة القديسة لأنها مش عندى

  76. coptic_man Says:

    ربنا يعوض تعبك امين

  77. samirmahfouzaziz Says:

    http://www.stabraammonastery.com/sabraam/viewtopic
    السلام والنعمة الموقع دة فية صورة ملونة لصعود العذراء
    ارجوا تكون سهلة في تجهيزها للتلوين
    ربنا يعوض تعب محبتك
    صلي من اجل ضعفي
    سمير

    http://img218.imageshack.us/img218/9497/114tu4.jpg

  78. رسام الموسوعة Says:

    متشكر جداً لمحبتك يا coptic man

  79. رسام الموسوعة Says:

    شكراً لإيجابيتك ومساعدتك يا استاذ سمير

  80. Abed Says:

    ممكن أنو نحصل ع كل الصور .. يعني نحملون بملف مضغوط

  81. رسام الموسوعة Says:

    لحد دلوقتى الشغل ما خلصش فى الموسوعة يا اخ عبيد علشان اضغطهم فى ملف .

    أهلاً بيك

  82. ماجد سلامة Says:

    الرب يسوع يعوض تعب محبتك لأن هذا المجهود رائع وكنيستنا فى مسيس الحاجة اليه.
    هل من الممكن اضافة اسم القديس باللغة الأنجليزية (بأعتبارها اكثر لغة مستخدمة فى المهجر) الى جوار الأسم العريى ولو بخظ اصغر لأننا نخدم مدارس الأحد فى أمريكا والأطفال بل واحياناً الوالدين لا يقراءوا العربية.
    يمكننا المساعدة فى ترجمة الأسماء لو اقتضى الأمر.
    و شكراً

  83. رسام الموسوعة Says:

    الاخ الحبيب ماجد سلامة

    متشكر لمحبتك والفكرة حلوة وبيتهيألى ممكن تنفيذها فى شكل صورتين واحدة مكتوب عيها الاسم بالإنجليزى والتانية مكتوب عليها الاسم بالعربى و كده هتكون احسن

    لو حضرتك حبيت تشاركنى بالتدقيق فى ترجمة اسماء القديسين الموجودين فعلاً ، والموجودة فى نهاية سيرة كل قديس بالعربى يبقى كويس جداً.

    وكمان ترجمة سير القديسين الموجودة فى الموسوعة علشات احطها تحتها مع السيرة العربى يبقى أجمل واجمل .

    طبعاً دى حاجة مش مطلوبة بين يوم وليلة ولو كل اسبوع حضرتك بعتلى ترجمة سيرتين يبقى كويس قوى ( وقت ما تكون فاضى يعنى).

    وممكن ارسالهم ببساطة من مربع التعليقات اسفل صفحة كل قديس ، وبعدها انا هاخدهم كوبى بيست لنص الصفحة نفسها وبكده يكون الشغل بنظام سهل ، طبعاً ممكن تدعى آخرين معاك لنيل بركة الخدمة دى.

  84. د. عماد واصف Says:

    very nice idea
    very nice work
    soooo nice
    God bless u

  85. رسام الموسوعة Says:

    شكراً لمحبتك يا دكتور عماد وأرجو تصلى علشان الخدمة

  86. emy Says:

    سلام ونعمة رب المجد تكون معاك
    حقيقى مش عارفة اشكرك ازاى الصور دى فادتنى كتير جدا فى خدمتى
    ربنا يعوضك تعب محبتك ويباركك ويكمل كل عمل بتعمله لاجل اسمه القدوس

  87. رسام الموسوعة Says:

    أهلاً بيكى يا إيمى

    ومتشكر جداً لمحبتك ولصلاتك

  88. Titi Says:

    ربنا يعوض تعب محبتكم لالصور جميلة جداً وبتفيدنا فى الخدمة وبنبتكر وسايل ايضاح منها

  89. رسام الموسوعة Says:

    شكراً لمحبتك يا تيتى وربنا يبارك خدمتك

  90. elkawkaban Says:

    بعد إذن حضرتك أنا كنت طالب من حضرتك خدمة أحنا بننشر مجلة للشباب في كنيستنا وفي باب عندنا ليه لوجو معين هو اصلا ً مرسوم خطوط فكنت عاوز حضرتك تعيد رسمه بالكمبيوتر فلو ممكن يريت ترد على على الايميل وشكرا ً

  91. elkawkaban Says:

    نرجو معرفة بريدك الالكتروني لمراسلتكم عليه

  92. رسام الموسوعة Says:

    تحت أمرك يا أخى الحبيب بس الايميل مش عملى بالنسبة ليا

    اسحب الصورة الى ان عاوزها سكانر وارفعها على اى موقع مجانى لرفع الصور وأبعتلى لينكها من التعليقات برضو

    كده اسهل بالنسبة ليا ، وبإذن الله هبعتهالك بنفس الطريقة

  93. elkawkaban Says:

    متشكر جدا ً على محبتك ولنك الصورة هو

    http://rapidshare.com/files/312000182/_____________________________.jpg
    ارجو ابلاغي عند الانتهاء من الرسم وشكرا ً

  94. رسام الموسوعة Says:

    ok

  95. john nassiem Says:

    مساء الخير اولاً الله ينور و ثانياً انت اكيد متفتكرنيش انا جون نسيم من أسوان اللى بعتلك صورة النبا هدرا و عملتها.
    انا بصراحه عايز اقولك ربنا يقويك على المجهود الجبار ده انا ليه فتره مدخلتش,لكن دلوقتى انا شايف ان الوضع اتغير فى قديسين جدادو كمان موسوعه الكتاب المقدس دى فكرة جامده اوى و ربنا يشددك.
    انا بس لفت نظرى حاجه انك عامل ورتين للعدرا العدرا الظهور و العدرا الأم و مش عامل العدرا الملكة على العرش او واقفه و معاهها المسيح يا ريت لو تقدر تعملها علشان بنحتاجها كتير اوى و ربنا يفويك.

  96. رسام الموسوعة Says:

    أهلاً يا جون ازى صحتك ، لا يا عم مش ناسيك اكيد ، أرجو بس تفتكر الخدمة فى صلاتك ، تحت أمرك هعمل العدرا الملكة بإذن الله

  97. john nassiem Says:

    ايه يا عم كل سنه وانت طيب بدينا شهر كيهك و معملتش صوره العدرا الملكة شايله المسيح .انت عايز العدرا تزعل منك و لا ايه؟؟هههههههههههه

    متنسناش فى الصوره محتاجينها ضرورى ..

  98. رسام الموسوعة Says:

    ما أقدرش على زعل العدرا طبعاً يا عم جون أنت عاوز توقعنا مع الكبار ولا ايه :)

    العدرا ليها تلات صور على الموسوعة واحدة التجلى والتانية شايلة المسيح والتالتة فى الرحلة لأرض مصر ، وأنا حالياً شغال فى صورة الميلاد علشان موسوعة الكتاب المقدس بإذن الله..

    وتحت أمرك هعمل صورة العدرا الملكة اول ما تسمح الظروف وكمان صورة صعود العدرا ، صدقنى التأخير دايماً خارج عن إرادتى

    كل سنة وانت طيب

  99. emad Says:

    جميل جدا ربنا معاكم

  100. mira Says:

    سلام ونعمة الرب يبارك حياتكم بجد حاجة تفرح

  101. mira Says:

    بجد انا فرحانة اوى ان لسة فى حاجات حلوة كدة

  102. رسام الموسوعة Says:

    شكراً يا ميرا لمحبتك

  103. dodo Says:

    سلام الرب يكون معك وفى خدمتك العظيمة التى ستظل محفورة فى أذهان الاطفال قبل الكبار

  104. رسام الموسوعة Says:

    شكراً يا دودو لمحبتك وكل سنة وانتى طيبة

  105. elkawkaban Says:

    بعد إذن حضرتك أنا كنت طالب من حضرتك خدمة أحنا بننشر مجلة للشباب في كنيستنا وفي باب عندنا ليه لوجو معين هو اصلا ً مرسوم خطوط فكنت عاوز حضرتك تعيد رسمه بالكمبيوتر فلو ممكن يريت ترد على على الايميل وشكرا
    ًتحت أمرك يا أخى الحبيب بس الايميل مش عملى بالنسبة ليا
    اسحب الصورة الى ان عاوزها سكانر وارفعها على اى موقع مجانى لرفع الصور وأبعتلى لينكها من التعليقات برضو
    كده أسهل بالنسبة ليا ، وبإذن الله هبعتهالك بنفس الطريقة
    تم إرسال هذه الرسالة في 2 نوفمبر 2009 وتم رفع الصورة ولم يصلني الرد أرجو الرد وشكرا ً

  106. رسام الموسوعة Says:

    فعلا يا اخى سامحنى أنا مقصر فى حقك وفى حق المجلة وآسف جداً ، الفترة اللى فاتت كانت فترة توقف للخدمة بسبب مشاكل فى البرنامج اللى كنت برسم بيه وأخدت وقت كبير جداً على بال ما لقيت نسخة من برنامج تانى للرسم بنعمة ربنا وقدرت أتعلمه وارجع أرسم بيه ، ولما رجعت الى لينك الصورة بتاعتكم على موقع الرفع رقيتها اتحذفت وقلت أكيد انت كمان أتصرفت بعد المدة الكبيرة دى وعملت الصورة فى مكان تانى أو صرفت نظر

    سامحنى وإستحملنى وأرفعها مرة كمان وإبعتلى اللينك وأوعدك هعملها فوراً

  107. elkawkaban Says:

    متشكر جدا ً جدا ً على الرد السريع واللنك اهو
    http://rapidshare.com/files/403685266/_____________________________.jpg.html

  108. elkawkaban Says:

    متشكر جدا ً جدا ً على الرد السريع واللنك اهو
    http://rapidshare.com/files/403685266/_____________________________.jpg.html

  109. رسام الموسوعة Says:

    تم أرسال الصورة إلى إيميلك وتحت امرك فى اى تعديلات

  110. elkawkaban Says:

    متشكر جدا ً جدا ً ربنا يعوض تعبك

  111. mode911 Says:

    صورة ابونا يسي رائعة و ياريت يوحنا المعمدان و ابونا عبد المسيح و الامير تادرس
    معلش متقل عليك

  112. رسام الموسوعة Says:

    حاضر يا ميدو تحت أمرك

  113. كيرلس Says:

    ربنا يعوض خدمتك الهايله دي و معلش ممكن اطل منك صورة الشهيد اسطفانوس او حتي طريقة رسمها عل الاليستليتور ايهما اقرب ليك و محتجها ضروررررررري معلش انا بتقل عليك
    و شكرا ليك كتييييييييييييييييير

  114. رسام الموسوعة Says:

    أسف للتاخير فى الرد يا كيرلس بسبب ظروف خاصة واوعدك بعمل الصورة فى اقرب وقت ممكن

  115. سمير Says:

    سلام لك أستاذى وأشكرك على الرسومات الجميلة دى … بليز أطلب منك طلب محتاج صورة المسيح – الراعى الصالح – لأنها ضرورية لنا فى الكنيسة ومالكنيسة عندنا محتاجها جدا اليومين دول فهل تقدر تخلصها لينا فى أقل وقت … شاكر تعب محبتك .

  116. رسام الموسوعة Says:

    شكرا لمحبتك يا سمير وحاضر تحت امرك هحاول اعملها ف قرب وقت ممكن بس صليلى

  117. sara naroz Says:

    شكراً على الصور الأكثر من رائعة وعلى فكرة استخدامها فى كنيستى أصبح بصفة مستمرة ولا غنى عنه فى جميع مجالات الخدمة … بجد هذا الموقع فتح مجالات خدمة ممتازة فى كثير من الخدمات الكنسية وخصوصاً فى مجالات طباعة السلك سكرين

  118. Robear Says:

    bgd nice job w shokran geddan 3la ta3abak w RABINA y3awadak
    ana bgd mabhor en fe encyclopedia zai de w bezzat ennak kateb keset kol Keddes ta7t sorto
    GOD always be wz u
    thxs alot :D

  119. رسام الموسوعة Says:

    ربنا يخليكى يا سارة ويفرح قلبك زى ما فرحتينى :) متشكر لمحبتك وربنا يباركك انتى وخدمتك

  120. رسام الموسوعة Says:

    Thanks Robert for your love and encouragement :)

  121. sara naroz Says:

    مساء الخير أنا ممكن أطلب صورة القديس اسطفانوس
    على فكرة اللينك ده فى صورة العذراء الملكة للتلوين هى معلش مش ممتازة زى اللى أنت بتصممها بس على قد ما الواحد بيقدر وخصوصا اننا لسه بنتعلم
    http://www.mediafire.com/imageview.php?quickkey=5th44luicu9x51i

  122. رسام الموسوعة Says:

    رررررررائع يا سارة لا هى ممتازة وجميلة جداااااااااا

    أنا فرحان جدا بيها وبيكى قوليلى إنتى بترسمى ببرنامج إيه :)

    بس معلش هى مش عاوزة تنزل وبتدينى إيرور ياريت ترفعيها تانى على الموقع ده http://www.2shared.com/

  123. sara naroz Says:

    أنا برسم ببرنامج CorelDRAW و الفوتوشوب بس الأكثر الفوتوشوب لأنى فى معظم الأحيان بجمع صور وأستخدمها لعمل صور جديدة لان فى صور تصلح للطباعة سلك اسكرين وفى صور لازم التعديل فيها طبقاً لاساسيات الطباعة زى القديسة دميانة جمعتها من صورة القديسة اربسيما الموجودة على الموسوعة وبعض التأثيرات الخاصة ببرنامج الفوتوشوب
    لنيك القديسة دميانة http://www.2shared.com/photo/OJ8MfBgX/___online.html
    لنيك العذراء الملكة http://www.2shared.com/photo/sMI3NKQj/___online.html

  124. sara naroz Says:

    أنا باستخدم صور الموسوعة على طول بدون التعديل عليها الا فى الحالة القصوى وده طبعا بسبب الطباعة السلك سكرين فى الخدمة الكنسية وحققت ابهار كثير من الأشخاص وذلك بسبب هذه الموسوعة الضخمة من صور القديسين بجد ربنا يعوضك على المجهود الجامد ده أنا عارفة المجهود المبزول فى كل صور على الموسوعة بجد ربنا يعوض تعب محبتك .
    ياريت تقولى رأيك فى صورة القديسة دميانة

  125. رسام الموسوعة Says:

    دوسى أكتر على الرسم بالكورل درو وكل ما ترسمى أكتر مستواكى هيتحسن لأن الفوتوشوب مش برنامج رسم ، انا برضو بجمع بعض الصور بالفوتوشوب وارسمها فى الكورل، القديسة دميانة أنيقة وجميلة قوى تسلم أيدك ولو بعتيهالى A4 هنشرها :)

  126. sara naroz Says:

    شكراً لمحبتك وهحاول اركز على الكورل درو
    لينك القديسة دميانة http://www.2shared.com/photo/a1iS9Shp/____.html

  127. sara naroz Says:

    لينك أخر للقديسة دميانة
    http://www.4shared.com/photo/UjiS6Zx1/____.htmll

  128. رسام الموسوعة Says:

    سلام يا سارة
    الصورتين اتنشروا تسلم إيدك ، آسف للتاخير بسبب ظروف وشكرا لمحبتك

  129. sara naroz Says:

    شكرا على النشر بس ممكن طلب ازالة اسمى من على الصورة وذلك للاهمية

  130. sara naroz Says:

    لو ممكن كتابة اسم خدمة الكنيسة (خدمة اتيليه الشهيد فيلوباتير ببورسعيد)

  131. sara naroz Says:

    وكتابة اسم الكنيسة أبى سيفين الشهيدة دميانه ببورسعيدد

  132. رسام الموسوعة Says:

    تمام يا سارة تم التعديل وشكرا لتعب محبتك ، إفتحى إيميلك اللى مسجلاه مع اسمك فى التعليقات هتلاقى رسالة منى

  133. sara naroz Says:

    شكرا جدا على تعبك ومعلش ممكن أطلب صورة القديس استفانوس لأنى بحاول أعملها بس مش عارفة أوصل لمستوى مناسب وخصوصا أنها مطلوبة هذه الأيام فى الخدمة

  134. Nancy Shoukry Says:

    أنا مبهورة فعلاً …. مش مصدقة اللى أنا باشوفه !!!! بجد ربنا يبارك لك … حاجة مذهلة!!!!!!!

  135. رسام الموسوعة Says:

    شكرا لمحبتك يا تاسونى :) أرجوكى بس ما تنسيش الخدمة فى صلاتك

  136. samir Says:

    سلام المسيح معاك أستاذى ماجد سلامة …. بجد ربنا يباركك فى الصور وانا نفسى أساعد وعندى كمية صور كويسة للتلوين وانا شغال برسم بالكوريل درو بقالى 12 سنة فلو حضرتك حبيت نتعاون انا يكون لى الشرف وانا عندى موسوعات جميلة جدا ممكن نساعد بعضنا …. ولو حبيت تكلمنى إبعت لى رسالة على الإيميل ده …

  137. رسام الموسوعة Says:

    متشكر لمحبتك يا استاذ سمير وربنا يبارك أستعدادك للخدمة ، ولو ان أسمى مش ماجد سلامة ومعرفش حضرتك جبت الاسم ده منين :)
    يمكنك ان ترسم اى صورة قديس غير موجود فى الموسوعة على حجم ورق A4 بنفس اسلوب رسم صور الموسوعة وأعدك بنشر المناسب منها كما فعلت هنا

    https://copticsaints.wordpress.com/2011/06/07/%D8%B5%D9%88%D8%B1%D8%A9-%D8%AA%D9%84%D9%88%D9%8A%D9%86-%D9%84%D9%84%D8%B9%D8%B0%D8%B1%D8%A7%D8%A1-%D8%A7%D9%84%D9%85%D9%84%D9%83%D8%A9-%D9%85%D8%B9-%D8%A7%D9%84%D8%B1%D8%A8-%D9%8A%D8%B3%D9%88%D8%B9/

  138. mina Says:

    مساء الخير
    شكرا لى مجموعة الصور الجميلة وخصوصاً الجديدة منها
    ولو ممكن صورة تماف ايرينى

  139. رسام الموسوعة Says:

    شكرا لمحبتك وذوقك يا مينا ، حاضر ربنا يدبر

  140. maria Says:

    شكرا لمحبتك
    كنت عايوة صورة مثل الدرهم المفقود تلوين برضو لو موجود
    شكراا

  141. رسام الموسوعة Says:

    حاضر ربنا يدبر

  142. Joseph Guirguis Says:

    أنا فرحان جداً بمجهودكم في الموسوعة دي وربنا يبارككم
    كان عندي مجموعة أفكار ممكن تساعدكم فأرجو أن اتواصل معكم عبر الميل
    شكراً

  143. رسام الموسوعة Says:

    أهلا بافكارك يا اخ جوزيف وممن حضرتك تبعت اى افكار او مقترحات من خلال بوكس التعليقات واكتب معاها انها مش للنشر

  144. Coptic Adel Says:

    مش لاقي ابو قسطور و الانبا متاؤس الفاخوري
    وكنت محتاجهم ياريت ترسمهم يا فنان

  145. رسام الموسوعة Says:

    حاضر بإذن الله قريب

  146. مينا Says:

    ربنا يعزينا جميعا محتاجين صورة قوية لمعلم الاجيال حبيبى قداسة البابا شنودة الثالث
    ربنا يعوض تعب محبتك

  147. رسام الموسوعة Says:

    حاضر الموضوع كان فى تفكيرى و بإذن الله يتم قريب

  148. Pope Shenouda III Says:

    Pope Shenouda III

  149. Peter Ava Shenouda III Says:

    M7tageen Picture L Ava Shenouda
    w law Te2daro Tenazelo el Pic. yekon Masalan Maseek wara2a makotob feha kawwl
    w 7aga yetamayez beha .. mn el 7agat el keteera el betmayeaaz beha
    Thank you رسام الموسوعة

  150. رسام الموسوعة Says:

    بإذن الله يا بيتر ربنا ينفعنا بصلواته

  151. rina Says:

    لو سمحت كنت محتاجة صورة تلوين للبابا شنودة عشان كنت محتاجاها فى ورش العمل يوم الجمعة

  152. رسام الموسوعة Says:

    حاضر يا تاسونى انا شغال فيها وربنا يدبر

  153. mina Says:

    يا ريت بسرعه ربنا يعوضك

  154. رسام الموسوعة Says:

    أتفضل يا مينا
    https://copticsaints.wordpress.com/2012/03/23/%D9%82%D8%AF%D8%A7%D8%B3%D8%A9-%D8%A7%D9%84%D8%A8%D8%A7%D8%A8%D8%A7-%D8%B4%D9%86%D9%88%D8%AF%D8%A9-%D8%A7%D9%84%D8%AB%D8%A7%D9%84%D8%AB/

  155. رسام الموسوعة Says:

    أتفضلى يا رينا
    https://copticsaints.wordpress.com/2012/03/23/%D9%82%D8%AF%D8%A7%D8%B3%D8%A9-%D8%A7%D9%84%D8%A8%D8%A7%D8%A8%D8%A7-%D8%B4%D9%86%D9%88%D8%AF%D8%A9-%D8%A7%D9%84%D8%AB%D8%A7%D9%84%D8%AB/

  156. رسام الموسوعة Says:

    أتفضل يا بيتر
    https://copticsaints.wordpress.com/2012/03/23/%D9%82%D8%AF%D8%A7%D8%B3%D8%A9-%D8%A7%D9%84%D8%A8%D8%A7%D8%A8%D8%A7-%D8%B4%D9%86%D9%88%D8%AF%D8%A9-%D8%A7%D9%84%D8%AB%D8%A7%D9%84%D8%AB/

  157. mena Says:

    مسوعة رائعه جدا ورسمك جميل وهدفك نبيل ربنا يعوضك خير
    انا قرأت هدف ونظام الموسوعة وياريت فعلا الكل يلتزم بنظام الموسوعة
    لكن اذا يوجد احد يحتاج بعض الرسوم لاستخدامها تجاريا هل من الممكن ان توافق له بشرائها ؟
    انا متأكد انك لا تسعى لكسب المال ولكن من الممكن ان تستخدم هذا المال في عمل الخير وللخدمة ايضا فمن الممكن ان تستخدم هذا المال في طباعة الرسمات وتوزيعها مجانا في مدارس الاحد واكيد يوجد افكار كثيرة بحيث تحافظ على هدفك
    كما انك سوف تعمل خير مع من تبيع له الرسمات لانك سوف تفتح له مجال للعمل وهو ايضا يجد فرصة لعمل الخير من خلال هذا المجال
    ولانك انسان كريم وعندك حب العطاء وهذا واضح من هدف الموسوعة فقد تحدد مبالغ بسيطة لكي تكون في مقدرة الجميع
    شكرا لك وانتظر ردك لاني محتاج استخدام هذه الرسمات لكن موافقتك اولا

  158. رسام الموسوعة Says:

    شكرا لمحبتك وتقديرك يا اخ مينا لكن سامحنى لأنى ارفض بيع الرسومات او استخدامها بشكل تجارى أو اسفادة اى شخخص منها ماديا حتى انا شخصيا.. ده التزام منى قدام المسيح اللى ادانى الوزنة لخدمة اسمه واولاده، بكرر أسفى ..

  159. المهندس شريف سعد Says:

    الموسوعة جميلة جداً ربنا يعوض تعب محبتك. أنا خادم في كنيسة عذراء الزيتون في فيينا تحت رعاية صاحب النيافة الأنبا جبريل وانا المسؤول علي كل المطبوعات الكبيرة من اللوحات وحفر علي النحاس وعندي رجاء محبة ان كان في الاستطاعة الرسومات أصلية Adobe IllustratorCS4 وعملي هذا للاستخدام في الكنيسة. الرب يساعدك ويبارك عملك. مهندس شريف

  160. رسام الموسوعة Says:

    شكرا لمحبتك يا باشمهندس وآسف للتأخر فى الرد ، سأبعث لك الرد على بريدك الالكترنى

  161. sally Says:

    ممكن صورة تلوين لابونا يسطس الانطوني ربنا يعوض تعب خدمتك

  162. رسام الموسوعة Says:

    حاضر يا سالى تحت أمرك

  163. emad Says:

    مجهود رائع جدا و ارجو المزيد و المزيد من صور القديسين حتي يتمجد اسم الرب في قديسيه
    و لو سمحت انا عايز صورة لقداسة البابا تواضروس الثاني
    و شكرا

  164. رسام الموسوعة Says:

    شكرا لمحبتك يا عماد ، قداسة البابا تواضروس أطال الله حياته ، لم أرسم صورة لقداسة البابا شنودة إلا بعد إنتقاله ،اعادت كنيستنا عدم رسم صورة لشخص كقديس إلا بعد إنتقاله للكنيسة المنتصرة وأنا ملتزم بهذا

  165. فايق يوسف Says:

    اريد صور لمنجليات

  166. رسام الموسوعة Says:

    حاضر ربنا يدبر

  167. romio Says:

    الرب يأتى لهذه الموسوعة بالثمار المرجوة ثلاثين وستين ومئة + ويعوض كل من له تعب فى هذه الخدمة +

  168. romio Says:

    اريد ان اكون صديق للموسوعة

  169. markbebo26@yahoo.com Says:

    اوك حضرتك لو انا مصمم فوتو محترف و بلون الصور انا يا تري مسموح احط اسمي ولا لأ ملحوظة مش كمصصم الصورة لكن لاني ملونها

  170. رسام الموسوعة Says:

    شكراً ليك وربنا يكون معاك ومعايا

  171. رسام الموسوعة Says:

    انت فعلا صديق للموسوعة :)

  172. رسام الموسوعة Says:

    لأ أرجوك عدم التوقيع وربنا يعوضك

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s


Follow

Get every new post delivered to your Inbox.

Join 149 other followers

%d bloggers like this: