القديس سمعان الخراز

st_simon_2

coloring picture of saint Simon

صورة تلوين  للقديس سمعان الخراز ( الدباغ – الإسكافى ) ناقل جبل المقطم بالإيمان .

كان موجوداً في بابليون (مصر القديمة) في زمان البطريرك الأنبا إبرآم السرياني (975-979م)، وفي عهد الخليفة المعز لدير الله الفاطمي، أول حكام الدولة الفاطمية في مصر.  وكانت حرفته هي دباغة الجلود، ومعها صناعة الأحذية وخلافه..

وهناك قصة مشهورة عنه، أنه في أحد الأيام جاءت إليه إمرأة لتصلح حِذائها، وكانت هذه المرأة جميلة الصورة، فبينما هي تخلع حِذائها، إنكشف ساقاها، فنظرت عيناه إليهما بشهوة. ففي الحال ضرب المِخراز في إحدى عينيه فأفرغها، تنفيذاً لوصية الرب: “إن كانت عينك اليُمنى تعثرك، فإقلعها، وإلقها عنك.. لأنه خيرٌ لك أن يهلك أحد أعضائك، ولا يُلقى جسدك كله في جهنم.” (مت28:5،29) لقد نَفَّذ الوصية حرفيّاً ببساطة.. ولكن الكنيسة لا تسمح بهذا ولا تُعَلِّم به.. إنما هو تصرف بحرية وبساطة، فسامحته الكنيسة.

لقد كان القديس سمعان الخراز زاهِداً متقشِّفاً، ظهر هذا من ثنايا حديثه مع الآب البطريرك الأنبا إبرآم حينما سأله عن حياته.. وإنه من المؤكَّد أنه كان رجل صلاة عجيب.. وكان يقوم بخدمة الشيوخ والمرضى ويوصل لهم الماء كل يوم.. وكان يوزع الخبز والطعام يومياً على المحتاجين في المنطقة..   وكان القديس مُتواضِعاً للغاية، وذا إيمان قوي جداً..

معجزة نقل جبل المقطم

كان المُعِز لدين الله الفاطمي رجلاً مُحِبَّاً لمجالس الأدب، والمباحثات الدينية.. وكان هناك رجلاً يهوديّاً متعصباً، إعتنق الإسلام لينال منصبه، وكان اسمه “يعقوب بن كلس”. وكان مبغضاً للمسيحيين، خاصة “قزمان بن مينا الشهير بأبو اليمن”.

وفي يوم من الأيام أرسل الخليفة للأب البطريرك ليحدد موعداً ليُحاجِج اليهود أمامه.. فإصطحب معه الأنبا ساويرس بن المقفع أسقف الأشمونين (بالصعيد).. فبدأ الأسقف بإتهام اليهود بالجهل! وأفحم اليهودي بإستشهتاده بالآية القائلة: “الثور يعرف قانيه، والحمار معلف صاحبه. أما إسرائيل فلا يعرف! شعبي لا يفهم!” (إش3:1)

وكان من أثر ذلك أن تضايق الوزير بن كلس للغاية، وأخذ هو ورفيقه موسى في التفتيش في الإنجيل عن أي آية ترد له إعتباره.. فوجد “لو كان لكم إيمان مثل حبة خردل، لكنتم تقولون لهذا الجبل إنتقل من هنا إلى هناك فينتقل، ولا يكون شئ غير ممكن لديكم.” (مت 20:17)

فأسرع وأراها للخليفة، وطلب منه أن يجعل النصارى يثبتون صحة هذا الكلام.. فأعجب الخليفة بالفكرة، وخاصة أنه فكَّر في إزاحة الجبل الجاثم شرق المدينة الجديدة (القاهرة)، أما إذا عجز النصارى عن تنفيذ هذا الكلام، فهذا دليل على بُطلان دينهم، ومن ثم تحتم إزالة هذا الدين!!

فأرسل الخليفة للبابا وخيَّرهُ ما بين تنفيذ الوصية، أو إعتناق الدين الإسلامي، أو ترك البلاد، أو الموت! فطلب البابا من الخليفة ثلاثة أيام، ونادى بصوم وإعتكاف إلى جميع الشعب.. وفي فجر اليوم الثالث ظهرت السيدة العذراء للبابا، وأرشدته بأن يخرج، والرجل الحامل الجرة الذي سيراه هو الذي سيتمم المعجزة على يديه..

وبالفعل خرج وقابل القديس سمعان، وتحدَّث معه، عن حياته وروحياته، وسبب فقده لعينه.. إلخ. فقال القديس للبابا أن يصلي مع الشعب كيرياليسون 400 مرة ويصلي صلاة القداس وهم يحملون الأناجيل والصلبان والشموع.. وهو سيقف معهم خلف البابا كواحد من الشعب. وبعد ذلك يجب على البابا بالسجود مع الكهنة، ويرشم الجبل بعلامة الصليب المقدسة.. وسيرى مجد الله..

وبالفعل تم كل هذا بالضبط.. وبعد رفع يد البابا يده ورسم علامة الصليب المقدسة، إذ بزلزلة عظيمة تحدث، ومع كل قيام من سجدة يرتفع الجبل، ومع كل سجدة يندك الجبل وتظهر الشمس من تحته وهو يتحرك..

وإنزاحت الغُمة، ولكن القديس سمعان الخراز هرب من المجد الباطل.. إلى ساعة موته، وظهور جسده في مصر بعد ذلك..

About these ads

الأوسمة: , , , , , , , , , , , , , , , , , , , , , , , , , , , , , , , , , , , , , , , , , , , ,

42 تعليقات to “القديس سمعان الخراز”

  1. مينا سلامة اسكندر Says:

    انا عندي سؤال ………….
    كان فية صورة للقديس سمعان رقم واحد فين الاقيها

  2. copticsaints Says:

    غالباً قمت بحذفها لأن كان فيها عيوب كتير

  3. مينا سلامة اسكندر Says:

    معلش انا اسف سؤال تاني
    صورة القديسة مهرائيل مش راضية تنزل علي الجهاز و مش راضية تنزل من علي جوجل اعمل اية ربنا يعوضك

  4. مينا سلامة اسكندر Says:

    شكراً عرفت انزل الصورة من النت ربنا يعوض تعبك بس انا كان ليا طلب انا عايز صورة للقديس يوحنا المعمدان و صورة للسيد المسيح بكامل هيأتة

  5. copticsaints Says:

    حاضر يا مينا تحت أمرك ربنا يدبر

  6. مينا سلامة اسكندر Says:

    ربنا يعوض تعبك و يوفق الخدمة متقدرش تتخيل الصور دي فادتني اد اية

  7. copticsaints Says:

    شكراً لمحبتك وأرجو لصلاة لأكتمال الخدمة

  8. مينا سلامة اسكندر Says:

    مش عارف اقولك كل سنة و انت طيب و لا البقية في حياتك من اجل شهداء الاسكندرية

  9. رسام الموسوعة Says:

    ربنا موجود يا مينا .. اهم اتضافوا لسحابة الشهود اللى بتسندنا … لكن سابونا للحزن والوجع.. ربنا يصبرنا..

  10. مينا سلامة اسكندر Says:

    شكراً علي صورة الشهيد امون الطوخي كنت فعلاً محتاجها علي فكرة انا طالب في 2 اعدادي و كل ما بتنزل صورة جديدة علي الموسوعة اطبعها و اوزعها علي اصحابي في المدرسة
    الامتحانات قربت صلي لي

  11. copticsaints Says:

    ربنا معاك يا مينا يحفظك وينجحك بصلوات القديسين

  12. مينا سلامة اسكندر Says:

    انا كنت عايز صورة ليوحنا المعمدان لوحدة او ممكن تكتبلي علي صورة عماد المسيح كلمة (يوحنا المعمدان)

  13. مينا سلامة اسكندر Says:

    انا فعلاً محتاجها و ربنا يعوضك

  14. copticsaints Says:

    سامحنى يا مينا مش هقدر

    ببساطة اكتبها على ورد بفونت كبير وقصها والصقها بسوليتب فى مكان فاضى على الصورة وصورها فى ماكينة التصوير

  15. مينا سلامة اسكندر Says:

    شكراً

  16. مينا سلامة اسكندر Says:

    انا جربت الفكرة دي و نجحت ربنا يعوضك

  17. copticsaints Says:

    برافوا عليك

  18. مينا سلامة اسكندر Says:

    خير مفيش صور جديدة لية بقالك حوالي شهر مرسمتش صورة جديدة طمني في حاجة

  19. copticsaints Says:

    تعيش يا مينا شكراً لسؤالك ، مفيش حاجة بس ظروف البلد شاغلة الواحد ، بإذن الله هيكون فيه جديد قريب

  20. مينا سلامة اسكندر Says:

    ارجوك نزل حاجة جديدة بسرعة زملائي في مدارس الاحد وجعولي دماغي و عايزين صور جديدة

  21. copticsaints Says:

    حاضر يا مينا بإذن المسيح قريب

  22. مينا سلامة اسكندر Says:

    تخيل ان اول مرة اعرف سيرة حياة الانبا قلتة الطبيب
    ربنا يباركك

  23. مينا سلامة اسكندر Says:

    اية الاخبار مفيش حاجة جديدة لية انا كنت متوقع انك هتنزل صور للسامرية او للابن الضال خير في حاجة

  24. copticsaints Says:

    شكرا لسؤالك يا مينا ، الابن الضال كنت بحاول اعمله لكن الظروف ما اسعفتنيش اخلصها فى وقت مناسب ، لكن السامرية صورتها موجودة من فترة على موسوعة الكتاب المقدس

    http://holybiblecoloring.wordpress.com/2010/12/13/%d8%a7%d9%84%d8%b1%d8%a8-%d9%8a%d8%b3%d9%88%d8%b9-%d9%85%d8%b9-%d8%a7%d9%84%d8%b3%d8%a7%d9%85%d8%b1%d9%8a%d8%a9-%d8%b9%d9%86%d8%af-%d8%a7%d9%84%d8%a8%d8%a6%d8%b1/

  25. مينا سلامة اسكندر Says:

    يا راجل بقي متقولش انك نزلت صورة الابن الضال دة لو مكنتش انا بالصدفة فتحت موسوعة الكتاب المقدس مكنتش عرفت انك نزلت صور الابن الضال

  26. copticsaints Says:

    طيب انت ما اشتركتش ليه فى القائمة البريدية وانت يجيلك لحد ايميلك اخطار عن الصور الجديدة :)

  27. مينا سلامة اسكندر Says:

    اة تصدق مخطرتش علي بالي الفكرة دي

  28. مينا سلامة اسكندر Says:

    كل سنة و انت طيب بمناسبة ظهور العذراء علي قباب كنيستها بالزيتون

  29. copticsaints Says:

    وأنت طيب وبألف خير يا مينا

  30. مينا سلامة اسكندر Says:

    انا بفكر في فكرة كويسة هتفيد الكل في الخدمة انا اكتب قصص الكتاب المقدس مع صور الموسوعة في كتاب بعنوان الكتاب المقدس للتلوين
    لو عندك مانع انا ممكن اصرف نظر
    بس صدقي انا لو نفذت الفكرة دي هتبقي بالمجان تنفيذاً للوصية
    مجاناً اخذتم مجاناً تعطوا

  31. copticsaints Says:

    بص يا مينا انا عارف انك غرضك الخدمة ومتأكد من كده لكن مش مستريح لفكرة طبع الصور فى كتاب ، طبعها صورة صورة افضل حتى للطفل علشان يديله فرصة يركز فى القصة والصورة اللى فى ايده

  32. مينا سلامة اسكندر Says:

    زي ما تحب

  33. copticsaints Says:

    معلش يا مينا انا شايف حماسك وما كنتش عاوز ازعلك
    كل سنة وانت طيب

  34. مينا سلامة اسكندر Says:

    و انت طيب و بالف خير و صدقني انا مش زعلان

  35. copticsaints Says:

    وأنت طيب يا حبيبى

  36. مينا سلامة اسكندر Says:

    بقي يا راجل اسافر من يوم 15 ابريل ليوم 6 مايو وانت لسة منزلتش صور جديدة

  37. copticsaints Says:

    معلش يا مينا سامح تقصيرى .. أهم حاجة حمد الله على سلامتك

  38. مينا سلامة اسكندر Says:

    لا لا لا لا انا بجد زعلان انا قربت اخلص امتحانات و انت لسة منزلتش صور جديدة
    طيب علي الاقل قولي صورة مين الي جاية

  39. copticsaints Says:

    زعلك على عينى بس مضغوط اليومين دول فى الشغل وحاجات تانية كتير ، بإذن المسيح فيه صورة جديدة النهاردة او بكرا بس خليها مفاجأة :)

  40. مينا سلامة اسكندر Says:

    انت يوم 17 مايو قلت لي انهاردة او بكرة و ادينا اهو يوم 19 مايو ولسة
    ارجوك انا محتاج الصور ضروري

  41. miky tobia Says:

    شكرا على الاهتمام وربنا يعوضكم

  42. رسام الموسوعة Says:

    شكرا لمحبتك

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s


تابع

Get every new post delivered to your Inbox.

Join 158 other followers

%d bloggers like this: